Breaking News

బన్నీ అభిమానులకు శుభవార్త.. రెండు పార్టులుగా పుష్ప.. పక్కా ప్లాన్‌తో వెళ్తున్న సుకుమార్


అభిమానులు ఖుషీ అయ్యే వార్త ఒకటి సోషల్ మీడియాలో వైరల్ అవుతోంది. బన్నీ ప్రెస్టీజియస్ మూవీ 'పుష్ప' రెండు భాగాలుగా ప్రేక్షకుల ముందుకు రానుందని టాక్ నడుస్తోంది. ఈ నేపథ్యంలో ఈ మూవీ నిర్మాతల్లో ఒకరు దీనిపై రియాక్ట్ అవుతూ సినిమా రెండు భాగాలుగా రానుంది నిజమే అని అన్నారని తెలుస్తుండటం మరింత ఆసక్తికర అంశంగా మారింది. ఎంతో స్పాన్‌ ఉన్న ఈ కథను రెండున్నర గంటల్లో చెప్పడం కష్టమని భావించి రెండు పార్టులుగా రూపొందిస్తున్నారని విశ్వసనీయ వర్గాల సమాచారం. గతంలో ఇదే సుకుమార్- అల్లు అర్జున్ కాంబోలో వచ్చిన 'ఆర్య, ఆర్య 2' సినిమాలు భారీ సక్సెస్ సాధించాయి. దీంతో పుష్ప విషయంలోనూ అదే రిపీట్ అయ్యేలా సుక్కు పక్కాగా ప్లాన్ చేశారని తెలుస్తుండటంతో బన్నీ ఫ్యాన్స్ హుషారెత్తిపోతున్నారు. ఈ సినిమాలో అల్లు అర్జున్‌ పుష్పరాజ్‌గా పవర్‌ఫుల్‌ రోల్ పోషిస్తున్నారు. లారీ డ్రైవర్‌గా మాస్ లుక్‌లో ఆయన కనిపించనున్నారు. ఇప్పటికే విడుదలైన ఈ మూవీ అప్‌డేట్స్ ఓ రేంజ్ అంచనాలు క్రియేట్ చేయగా, ఇప్పుడు 'పుష్ప' పార్ట్-2 కూడా రాబోతోందనే టాక్ జనాల్లో హాట్ టాపిక్ అయింది. ఎర్ర చందనం స్మగ్లింగ్ నేపథ్యంలో పాన్ ఇండియా సినిమాగా పలు భాషల్లో రూపొందిస్తున్న ఈ సినిమాపై సుకుమార్ ప్రత్యేక శ్రద్ద పెట్టారు. కామెడీ, రొమాన్స్, సెంటిమెంట్ అన్నింటికీ ప్రాధాన్యమిస్తూ ముందుకెళ్తున్నారు. మైత్రీ మూవీ మేకర్స్ బ్యానర్‌పై రూపొందుతున్న ఈ సినిమాలో బన్నీ సరసన రష్మిక మందన హీరోయిన్‌గా నటిస్తోంది. పల్లెటూరు అమ్మాయిగా ఆమె డిఫరెంట్ లుక్‌లో కనిపించనుండటం విశేషం. మలయాళ స్టార్ ఫహద్ ఫాజిల్, హరీష్ ఉత్తమన్, జగపతి బాబు వంటి భారీ తారాగణం ఈ 'పుష్ప' సినిమాలో భాగం అవుతున్నారు. అల్లు అర్జున్ చెల్లెలిగా ఐశ్వర్య రాజేష్ కనిపించనుందని టాక్. దేవి శ్రీ ప్రసాద్ బాణీల్లో ఊర్వశీ రౌతేలా ఐటమ్ సాంగ్, అనసూయ రోల్ ఈ సినిమాలో హైలైట్ కానున్నాయని అంటున్నారు.


By May 12, 2021 at 08:07AM


Read More https://telugu.samayam.com/telugu-movies/cinema-news/allu-arjun-latest-movie-pushpa-will-entertain-as-two-parts/articleshow/82565657.cms

No comments