Breaking News

కరోనా పేషెంట్ల కోసం పెళ్లి రద్దు చేసుకుని.. హ్యాట్సాఫ్ అపూర్వ


దేశవ్యాప్తంగా కరోనా కల్లోలం కొనసాగుతోంది. ఆస్పత్రులన్నీ రోగులతో నిండిపోయాయి. డాక్టర్లు, వైద్య సిబ్బంది విధుల్లో తలమునకలయ్యారు. సమయంతో పని లేకుండా సేవలు అందిస్తున్నారు. ఈ క్రమంలో ఓ యువ వైద్యురాలు సంచలన నిర్ణయం తీసుకుంది. కరోనా పేషెంట్లకు సేవలు అందించేందుకు ఏకంగా తన వివాహాన్నే రద్దు చేసుకుంది. నాగ్‌పుర్‌లోని సెంట్రల్‌ ఇండియా కార్టియాలజీ ఆసుపత్రిలో అపూర్వ మంగళగిరి వైద్యురాలు. గత నెల 26న ఆమె వివాహం జరపాలని కుటుంబ పెద్దలు నిర్ణయించారు. అయితే కొవిడ్‌ రోగులకు తన అవసరం ఎంతో ఉందని.. అందుకే పెళ్లి వాయిదా వేయాలని వరుడి కుటుంబ సభ్యులను కోరారు అపూర్వ. అందుకు నిరాకరించడంతో పెళ్లే వద్దనుకున్నారు. ఆమె నిర్ణయాన్ని తల్లిదండ్రులు కాదనలేకపోయారు. తాను వైద్యం చేసిన కొవిడ్ రోగులకు తన అవసరం ఎంతో ఉంది. ఎప్పుడేం కావాలో బాగా తెలుసన్నారు. గతేడాది కొవిడ్ వ్యాప్తి మొదటి దశలో అపూర్వ తన తండ్రిని కోల్పోయారు. కొవిడ్ సోకిన వారి కుటుంబసభ్యుల మనోవేదన, కష్టాలు ఎలా ఉంటాయో తెలుసు కనుకే తన వివాహం వాయిదా వేయాలని కోరినట్లు తెలిపారు. వరుడి కుటుంబసభ్యులు పెళ్లి విషయంలో కాస్త తొందరపడ్డారని అన్నారు. అపూర్వను అందరూ అభినందిస్తున్నారు.


By May 12, 2021 at 10:00AM


Read More https://telugu.samayam.com/latest-news/india-news/nagpur-doctor-apoorva-cancels-her-marriage-to-treat-covid-patients/articleshow/82566833.cms

No comments