అమ్మకు ప్రేమతో మహేష్ బాబు.. నువ్వు ప్రసాదించిన ప్రతిరోజు చాలా గొప్పది.. సూపర్ స్టార్ స్వీట్ విష్ వైరల్
ఈ లోకంలో అమ్మ ప్రేమ ముందు ఏదైనా తక్కువే. నవమాసాలు మోసి ఈ ప్రపంచాన్ని పరిచయం చేసిన అమ్మనే మొదటి గురువు. అమ్మ ప్రేమలో తీయదనాన్ని గురించి మాటల్లో వర్ణించలేం. పేద- ధనిక, సాధారణ- సెలబ్రిటీ అనే తేడా లేకుండా అందరికీ అమ్మ అమ్మే.. అమ్మ ప్రేమ ఒక్కటే. కాగా ఈ రోజు (ఏప్రిల్ 20) సూపర్ స్టార్ తల్లి . ఈ సందర్భంగా తన తల్లికి స్వీట్ విషెష్ చెబుతూ ఆమెతో దిగిన ఓ పిక్ షేర్ చేశారు మహేష్. తన సోషల్ మీడియా ఖాతాల్లో అమ్మ ఇందిరకు స్పెషల్‌గా హృదయపూర్వక పుట్టినరోజు శుభాకాంక్షలు చెప్పిన మహేష్ బాబు.. ''నువ్వు ప్రసాదించిన ప్రతిరోజు చాలా గొప్పది'' అంటూ అమ్మ మనసుకు హత్తుకునేలా సింగల్ లైన్ కామెంట్ చేశారు. ఇది చూసిన సూపర్ స్టార్ ఫ్యాన్స్ ఇందిరకు పెద్ద ఎత్తున బర్త్ డే విషెస్ చెబుతూనే 'ఓ అమ్మకు కొడుకు ఇంతకంటే గొప్ప బహుమతి ఏమివ్వగలడు' అంటూ కామెంట్స్ చేస్తున్నారు. వరుస హిట్స్‌తో మంచి ఫామ్‌లో ఉన్న మహేష్ బాబు.. ప్రస్తుతం 'సర్కారు వారి పాట' మూవీ చేస్తున్నారు. మైత్రీ మూవీ మేకర్స్, జీఎమ్‌బీ ఎంటర్‌టైన్‌మెంట్స్, 14 రీల్స్ సంస్థలు భారీ బడ్జెట్‌తో ఈ సినిమాను సంయుక్తంగా నిర్మిస్తున్నాయి. పరశురామ్ దర్శకత్వం వహిస్తున్నారు. చిత్రంలో మహేష్ సరసన కీర్తి సురేష్ హీరోయిన్‌గా నటిస్తోంది. థమన్ బాణీలు కడుతున్నారు. బ్యాంకింగ్ కుంభకోణం నేపథ్యంలో రూపొందుతున్న ఈ సినిమాపై మహేష్ ఫ్యాన్స్ ఓ రేంజ్ అంచనాలు పెట్టుకున్నారు. 2022లో ఈ మూవీ ప్రేక్షకుల ముందుకు రానుంది.
By April 20, 2021 at 12:22PM
No comments