Manchu Vishnu: నవదీప్కి దరిద్రమైన అలవాట్లు.. మంచు విష్ణు పొగుడుతూనే వాటినీ బయటపెట్టాడు
కాజల్ అగర్వాల్, విష్ణు మంచు అక్కాతమ్ముడుగా నటించిన చిత్రం ‘మోసగాళ్ళు’. జెఫ్రీ గీ చిన్ దర్శకత్వం వహించిన ఈ చిత్రంలో బాలీవుడ్ నటుడు సునీల్ శెట్టి, కీలక పాత్రలో నటించారు. ప్రపంచంలోనే అతి పెద్ద ఐటి స్కామ్ ఆధారంగా ఈ చిత్రం మార్చి 19న మోహన్ బాబు బర్త్ డే సందర్భంగా విడుదల కానుంది. కాగా చిత్రానికి మంచు విష్ణు హీరో మాత్రమే కాకుండా నిర్మాత కూడా. 50 కోట్ల భారీ బడ్జెట్తో ఈ చిత్రాన్ని నిర్మించారు. ఇక ఈ మూవీ ప్రమోషన్స్లో భాగంగా నవదీప్తో కలిసి పలు ఇంటర్వ్యూలలో పాల్గొంటున్నారు విష్ణు. ఈ సందర్భంగా నవదీప్పై ఆసక్తికరమైన కామెంట్స్ చేశారు మంచు విష్ణు. నా దృష్టిలో మోస్ట్ అండర్ రేటెడ్ యాక్టర్ నవదీప్. తనని టాలెంట్కి తగ్గ గుర్తింపు రాలేదు. అతని కెపబిలిటీకి ఇప్పుడున్న గుర్తింపు నథింగ్. అతను ఇప్పుడు నా సినిమాలో చేశాడని నా మందు ఉన్నాడని పొగడటం కాదు.. దానివల్ల తొక్క ఏం రాదు. ఐదుసార్లు ఫోన్ చేస్తే ఒక్కసారి కూడా ఎత్తడు.. అలాంటి దరద్రమైన అలవాట్లు ఉన్నాయి అతనికి. కానీ.. అతని దగ్గర టాలెంట్ చాలా ఉంది.. ఎఫర్ట్ పెట్టి చేస్తాడు. నేను ఒక సెక్షన్ అయినతరువాత బ్రదర్ దీన్ని మనం తెలుగులో ఎలా చేద్దాం.. అని డిస్కష్ చేశా. ముఖ్యంగా నవదీప్కి ఓన్లీ యాక్టింగ్ అనే కాదు.. రైటింగ్ మీద ఫుల్ గ్రిప్ ఉంది. ఆ విషయంలో నేను చాలా లక్కీ. ఈ సినిమా కమర్షియల్ ఎలిమెంట్స్తో సాంగ్స్, ఫైట్స్, కామెడీ లాంటివి ఉండవు. ఈ సినిమాలో నవదీప్ చాలా స్టైలిష్గా చేశాడు.. అతనితో స్క్రీన్ షేర్ చేసుకోవడం చాలా ఛాలెంజింగ్గా అనిపించింది’ అంటూ నవదీప్ని తెగ పొగిడేస్తూ.. అతని మైనస్లను కూడా రివీల్ చేశారు మంచు విష్ణు. అయితే చివర్లో యాంకర్.. అవును నవదీప్ గారూ మీరు ఫోన్ ఎందుకు లిఫ్ట్ చేయరు అంటే.. నాకు ఉన్న దరిద్రమైన అలవాట్లలో విష్ణు ఒక ఉదాహరణ చెప్పాడు అంతే.. అలాంటివి చాలా ఉన్నాయి అంటూ తన మీద తానే సెటైర్ వేసుకున్నాడు.
By March 17, 2021 at 09:43AM
No comments