హీరోయిన్నే నిర్మాత: షాకయ్యానన్న హీరో కార్తికేయ.. డేరింగ్ స్టెప్ అంటూ ప్రశంసలు

‘‘సినిమా, వ్యాపార రంగాల్లో రాణిస్తూ ఎంతో మందికి సహాయం చేస్తూ సక్సెస్‌ఫుల్ విమెన్‌‌గా దూసుకుపోతున్న మిత్ర శర్మ ఈ రోజు ప్రొడక్షన్ హౌస్ స్థాపించి సినిమాలు నిర్మించే స్థాయికి చేరుకుంది. బాయ్స్ అయిన మనమే భయపడి వెనకడుగు వేస్తాం’’ అని అన్నారు హీరో కార్తికేయ. శ్రీ పిక్చర్స్ పతాకంపై మిత్ర శర్మ, , గీతానంద్ జంటగా దయానంద్‌ను దర్శకుడిగా పరిచయం చేస్తూ మిత్ర శర్మ నిర్మిస్తున్న యూత్‌ఫుల్ ఎంటర్‌టైనర్ ‘బాయ్స్’. ‘బాయ్స్ విల్ బి బాయ్స్’ అన్నది ట్యాగ్ లైన్. ఈ చిత్రం ఫస్ట్ లుక్ పోస్టర్ విడుదల వేడుక హైదరాబాద్‌లోని దసపల్లా హోటల్‌లో జరిగింది. ఈ కార్యక్రమానికి ముఖ్య అతిథిగా విచ్చేసిన హీరో కార్తికేయ ‘బాయ్స్’ ఫస్ట్ లుక్ పోస్టర్‌ను విడుదల చేశారు. సుచిర్ ఇండియా కిరణ్, కళా మందిర్ కళ్యాణ్ శ్రీ పిక్చర్స్ పోస్టర్స్, లోగోలను విడుదల చేశారు. ఈ సందర్భంగా ముఖ్య అతిథిగా విచ్చేసిన హీరో కార్తికేయ మాట్లాడుతూ.. ‘‘నా మూవీ షూట్‌లో ఉండగా ఈ సినిమా గురించి, మిత్ర గురించి విన్నాను. తను ‘బాయ్స్’ మూవీలో హీరోయిన్‌గా చేస్తూ సినిమాను ప్రొడ్యూస్ చేస్తుందని విని షాక్ అయ్యాను. ఎందుకంటే ఎక్కువగా హీరోగా చేస్తూ సినిమాలను ప్రొడ్యూస్ చేస్తుంటారు. తను ఎంతో డేరింగ్ స్టెప్ తీసుకొని చేస్తున్న ఈ సినిమా టైటిల్ క్యాచీగా బాగుంది. అప్పట్లో శంకర్ తీసిన ‘బాయ్స్’ మూవీ అంత పెద్ద హిట్ అవ్వాలి ఈ సినిమా. ప్రస్తుతం ఇండస్ట్రీలో ఉన్న పెద్ద బ్యానర్‌ల సరసన ఈ బ్యానర్ నిలిచి పెద్ద సినిమాలు నిర్మించాలని మనస్ఫూర్తిగా కోరుతున్నాను’’ అని అన్నారు. చిత్ర హీరోయిన్, నిర్మాత మిత్ర శర్మ మాట్లాడుతూ.. ‘‘ఒక సక్సెస్‌ఫుల్ మగాడు వెనుక ఒక ఆడది ఉంటుందంటారు. అయితే నా వెనుక నన్ను సపోర్ట్ చేసే మంచి టీం ఉంది. 2014లో ఇండస్ట్రీకి వచ్చిన నేను చాలా సినిమాల్లో నటించాను. తరువాత సొంతంగా ‘ఫెసిలిటీ మేనేజిమెంట్ సర్వీసెస్’ బిజినెస్ స్టార్ట్ చేశాను. 2018లో వచ్చిన ఐపీఎల్‌లో మా బిజినెస్‌కు మంచి బూమ్ రావడంతో మా లైఫ్ మారిపోయింది. 2019లో ‘యాస్ ట్యాగ్ బాయ్స్’ స్టార్ చేశాం. సొంత ప్రొడక్షన్ పెట్టాలని నేను అనుకోలేదు కానీ మాకు టైం అలా కలసి వచ్చింది. ఆ తరవాత దర్శకుడు దయానంద్ చిన్న వాడైనా మంచి కాన్సెప్ట్ ఉన్న కొత్త కథ వినిపించాడు. ఎంతో కాన్ఫిడెంట్‌గా తను చెప్పిన కథ, చెప్పిన విధానం నచ్చి తన కోసమే ఈ సినిమా చేస్తున్నాను. అరిస్టులందరి సపోర్ట్‌తో ఈ మూవీని సింగల్ షెడ్యూల్‌లో పూర్తి చేశాం. ఈ సినిమా తప్పక విజయం సాధిస్తుంది’’ అని అన్నారు. రోణిత్, అన్షుల, శ్రీహన్, జెన్నీ, సుజిత్ బన్నీ, బంచిక్ బబ్లు, అభిలాష్ ముఖ్య పాత్రలు పోషించిన ఈ చిత్రానికి పడవల బాలచంద్ర సహ నిర్మాత. స్మరన్ సంగీతం సమకూర్చారు. వెంకట ప్రసాద్ సినిమాటోగ్రఫీ అందించారు. శ్రీమణి సాహిత్యం అందించారు. మార్తాండ్ కె వెంకటేష్ ఎడిటింగ్ బాధ్యతలు చేపట్టారు.

By March 11, 2021 at 12:19PM

Read More https://telugu.samayam.com/telugu-movies/cinema-news/actor-kartikeya-launches-mithra-sharma-boys-movie-first-look/articleshow/81445100.cms