Breaking News

బెంగళూరు: యువతిపై జొమాటో డెలివరీ బాయ్ దాడి.. కారణం తెలిసి అవాక్కు


బెంగళూరులో యువతిపై జొమాటో డెలివరీ బాయ్ అమానుషంగా ప్రవర్తించాడు. తనపై దాడి జరిగిందంటూ బాధితురాలు ఇన్‌స్టాలో వీడియోతో ఆవేదన వ్యక్తం చేసింది. బెంగళూరుకు చెందిన బ్యూటీ ఇన్‌ఫ్లుయెన్సర్ హితేషా చంద్రానీ మార్చి 9న మధ్యాహ్నం 3.30 గంటలకు జొమాటోలో ఫుడ్ ఆర్డర్ చేసింది.. సాయంత్రం 4.30 గంటలకు డెలివరీ చేయాల్సి ఉంది. కానీ సమయానికి ఆర్డర్ రాకపోవడంతో కస్టమర్‌ కేర్‌ ఎగ్జిక్యూటివ్‌తో మాట్లాడి.. తన ఆర్డర్‌ క్యాన్సిల్‌ చేయాలని కోరింది. ఇంతలోనే డెలివరీ బాయ్‌ఆర్డర్‌ తీసుకొని వచ్చాడు. తనకు ఆర్డర్ వద్దంటూ ఆమె వాదనకు దిగింది. దీంతో డెలివరీ ఎగ్జిక్యూటివ్ కామరాజ్ ఆగ్రహంతో ఘర్షణకు దిగాడు. బలవంతంగా ఇంట్లోకి ప్రవేశించి తనపై పిడిగుద్దులు కురిపించాడని బాధితురాలు వీడియోలో ఆరోపించింది. తర్వాత తన ఆర్డర్‌ను తీసుకొని మరీ పారిపోయాడని ఆమె చెప్పారు. కన్నీళ్లు పెట్టుకుంటూ దీనికి సంబంధించి ఒక వీడియోను పోస్ట్‌ చేశారు. ఈ వీడియో సోషల్ మీడియాలో కూడా వైరల్‌గా మారింది. ఈ దాడి ఘటనపై జొమాటో ప్రతినిధులు కూడా ఆరా తీస్తున్నారు.


By March 11, 2021 at 11:12AM


Read More https://telugu.samayam.com/latest-news/india-news/bengaluru-woman-alleges-that-zomato-delivery-man-hit-her-video-goes-viral/articleshow/81444195.cms

No comments