ఆ నాలుగేళ్లూ నరకం చూశా.. రాజకుటుంబంపై మేఘన్ సంచలన వ్యాఖ్యలు
బ్రిటిష్ రాజకుటుంబం నుంచి విడిపోయిన యువరాజు హ్యారీ దంపతులు ఓప్రా విన్‌ఫ్రే‌కు ఇచ్చిన ఇంటర్వ్యూ శనివారం ప్రసారమయ్యింది. తన క్యారక్టర్పై మీడియా దిగజారుడు వ్యాఖ్యలు చేస్తోందని మండిపడి .. ఈ ఇంటర్వ్యూలో పలు ఆసక్తికర విషయాలను వెల్లడించారు. తమ వివాహం జరిగిన తీరు, ఆ సమయంలో జరిగిన సంఘటనలను మేఘన్ బయటపెట్టారు. రాజకుటుంబం అధికారికంగా వివాహం నిర్వహించడానికి మూడు రోజుల ముందే తాము రహస్యంగా పెళ్లిచేసుకున్నట్టు మేఘన్ తెలిపారు. ఈ విషయం ఎవరికీ తెలియదు, కానీ, ఆర్చ్‌బిషప్‌ను పిలిచి మేమే ఆయనతో చెప్పామని అన్నారు. ‘‘ఈ విషయం, ఈ దృశ్యం ప్రపంచం కోసం, కానీ మా ఇద్దరి మధ్య బంధం ముడిపడిపోయింది’’ అని ఆర్చ్‌బిషప్‌తో చెప్పినట్టు వివరించారు. హ్యారీ, మేఘన్ మార్కెల్‌కు అధికారికంగా 2018 మే 19న బెర్క్‌షైర్ కౌంటీలోని విన్సర్ పట్టణంలోని రాజ భవనం విన్సర్ క్యాజిల్‌ వివాహం జరిగిన విషయం తెలిసిందే. గాసిప్‌లతో సుదీర్ఘకాలం పోరాటం చేయాల్సి వచ్చిందని, ఇదే రాజకుటుంబంతో సంబంధాల్లో మలుపు తిప్పిందని అన్నారు. ఇది నిజం కాదని అక్కడ ప్రతి ఒక్కరికీ తెలుసు, కానీ రివర్స్ జరిగిందన్నారు. తమ పెళ్లికి ముందు తోడికోడలు, విలియమ్స్ భార్య తనపై కేకలు వేసినట్టు మీడియాలో జరిగిన ప్రచారం నిజమేనని మేఘన్ ధ్రువీకరించింది. కేట్ దేని గురించో కలత చెందింది, కానీ ఆ తర్వాత ఆమె క్షమాపణ చెప్పింది అని అన్నారు. ‘పెళ్లికి కొన్ని రోజుల ముందు, ఆమె దేని గురించో కలత చెందింది.. అవును, డ్రస్ గురించి నాపై కేకలు వేసింది.. ఇది నిజంగా నా మనోభావాలను బాధించింది’ అని పేర్కొన్నారు. అదే తన క్యారక్టర్పై దాడికి ప్రారంభమని తెలిపింది. ‘‘కేవలం నన్ను మాత్రమే కాదు, కుటుంబంలోని ఇతర సభ్యులను రక్షించడానికి వారు అబద్ధాలు చెప్పడానికి సిద్ధంగా ఉన్నారని నేను అర్థం చేసుకున్నాను’’అని వ్యాఖ్యానించారు. ‘గత నాలుగేళ్లు ఎంతో భారంగా గడిచాయి.. తనకు పీడకలాల అనిపించాయి.. అప్పటి వరకూ మహిళలు తమ గొంతును ఉపయోగించుకోవాలని వాదించాను.. ఆపై నేను మౌనంగా ఉండిపోయాను’ అని రాజకుటుంబంపై సంచలన ఆరోపణలు చేశారు. ఈ సందర్భంగా మీరు మౌనంగా ఉన్నారా? లేక మీ నోరునొక్కేసారా విన్‌ఫ్రే ప్రశ్నించారు.
By March 08, 2021 at 09:26AM
No comments