కర్ణాటక మాజీ మంత్రి రాసలీలల వీడియో.. యువతికి షాక్ ఇచ్చిన ప్రియుడు
కర్ణాటక మాజీ మంత్రి, బీజేపీ ఎమ్మెల్యే రాసలీలల సీడీ వ్యవహారంలో అనూహ్యమైన పరిణామాలు చోటుచేసుకుంటున్నాయి. తనకు ప్రాణహాని ఉందని ఆ సీడీలోని యువతి ఆరోపిస్తూ హోం మంత్రిని సాయం కోరింది. తాజాగా, యువతి ప్రియుడు ఆకాశ్ సోమవారం సిట్ ముందు హాజరయ్యాడు. ఆమె ప్రేమ మైకంలో మునిగిపోయానని, తనకు అరచేతిలో స్వర్గం చూపించి మోసం చేసిందని ఆకాశ్ చెప్పినట్లు తెలిసింది. అంతేకాదు, సీడీ రికార్డింగ్ గురించి ఆమెకు తెలుసని, ఆ విషయం తనకు చెప్పలేదని అన్నాడు. సీడీ చూపించి బ్లాక్మెయిల్ చేసి డబ్బు లాగడానికి ప్లాన్ వేశారని తనకు తరువాత తెలిసిందని చెప్పాడు. ఈ కేసును విచారిస్తున్న సిట్ అధికారులు.. ఆమెకు ఆకాశ్ అనే ప్రియుడు ఉన్నాడని గుర్తించారు. దీంతో అతడిని కూడా విచారణకు పిలిపించారు. ఇక యువతి, ఆమె బృందం కదలికల ఆధారాల కోసం 70 సీసీ కెమెరాల దృశ్యాలను పరిశీలించారు. వాటి ద్వారా ఆమె ఎక్కడెక్కడకు వెళ్లిందీ తెలుసుకున్నారు. ఆ ప్రాంతాల్లో సీసీ కెమెరాల ఫుటేజ్లను స్వాధీనం చేసుకున్నారు. దీంతో సిట్కు కీలక సాక్ష్యాలు లభించినట్లు తెలిసింది. సీడీ బయటకు రావడానికి ముందు ఆకాశ్ కొందరు జర్నలిస్ట్లను కలిసిన దృశ్యాలు లభించాయి. అటు, తనను మోసగించారని మాజీ మంత్రిపై ఆరోపణలు చేసిన యువతిని నేరుగా పోలీస్ స్టేషన్కు వచ్చి ఫిర్యాదు చేయాలని పోలీసులు చెబుతున్నారు. అంతేకాదు.. విచారణకు హాజరుకావాలని బాగల్ కోటలో ఆమె ఇంటికి నోటీసులు అంటించినా స్పందన లేదని.. ఎవరూ విచారణకు హాజరుకాలేదని అంటున్నారు. సీడీలోని యువతి హైదరాబాద్లో ఉన్నట్లు సమాచారం. మరోవైపు, సమాజంలో నా పరువు పోయిందని, రక్షణ కల్పించాలని... నా తల్లిదండ్రులు, నేను పలుమార్లు ఆత్మహత్యకు యత్నించామంటూ హోంశాఖ మంత్రి బసవరాజ్ బొమ్మైకు ఆమె వీడియోలో విన్నవించుకుంది. ఉద్యోగం కోసమే రమేశ్ జార్కిహొళిని కలిశానని తెలిపింది.
By March 16, 2021 at 01:07PM
No comments