పిల్లిని చంపేందుకు పాలలో విషం.. సీన్ రివర్స్, 12 ఏళ్ల బాలుడికి ప్రాణసంకటం
పిల్లిని చంపడానికి ఓ మహిళ కలిపింది. అది ఆమె 12 ఏళ్ల కుమారుడి ప్రాణాల మీదకు వచ్చింది. జార్ఖండ్‌లోని గర్‌వా‌లో జరిగిన ఈ ఘటన గురించి స్థానికులు కథలు కథలుగా చెప్పుకుంటున్నారు. స‌ద‌ర్ పోలీసు స్టేష‌న్ ప‌రిధిలోని మేధ‌న గ్రామానికి చెందిన ఓ ఇంట్లో ఉంటోంది. ఆ పిల్లిని చంపాల‌నుకుని ఇంటి య‌జ‌మానురాలు పాలలో విషం క‌లిపి గిన్నెలో పోసింది. వాటిని పిల్లి తాగేలా ఓ గదిలో ఉంచింది. కానీ, ఆ పాలను పిల్లి తాగ‌డానికి ముందే ఇంట్లో ఉంటున్న 12 ఏళ్ల బాలుడు తాగేశాడు. తీవ్ర అస్వస్థతకు గురయ్యాడు. అనుమానం వచ్చి పరిశీలించగా ఆ పాలను బాలుడు తాగినట్లు తల్లి గ్రహించింది. పరుగు పరుగున అతడిని హాస్పిటల్‌కు తీసుకెళ్లారు. ప్రస్తుతం బాలుడికి అక్కడ చికిత్స అందిస్తున్నారు. బాలుడిని ఆస్పత్రికి తీసుకురావడం కాస్త ఆల‌స్యమైనా.. ప్రాణాలు పోయి ఉండేవని వైద్యులు తెలిపారు. ఆ మాట వినగానే ఆ తల్లికి గుండె ఆగినంత పనైంది. పిల్లి చేస్తున్న ప‌నులు తమకు తీవ్ర ఇబ్బంది కలిగిస్తున్నాయని ఆ మహిళ చెప్పింది. పిల్లి తీరుతో విసుగు చెంది దాన్ని చంపాలని భావించినట్లు ఆమె తెలిపింది. అయితే.. అది కాస్త వికటించి బాలుడి ప్రాణాల మీదకు వచ్చింది. ‘నోరు లేని జీవిని చంపాలని భావిస్తే.. దేవుడు ఎలాంటి శిక్ష వేశాడో చూడండి’ అంటూ కొంత మంది గ్రామస్థులు ఈ ఘటన గురించి చర్చించుకుంటున్నారు. అదీ నిజమే కావొచ్చు.. మూగజీవాలు తాము నమ్మిన వారి చెంతకే స్వేచ్ఛగా వస్తాయి. ప్రేమను చూపిస్తాయి. నమ్మకంగా నటించి గొంతు కోయాలని చూస్తే ఇలాంటివే జరుగుతాయి మరి!
By March 11, 2021 at 03:32PM
No comments