Breaking News

వ్యాపారం ప్రభుత్వ పని కాదు.. ప్రైవేటీకరణపై మోదీ సంచలన వ్యాఖ్యలు


నష్టాల్లో ఉన్న ప్రభుత్వ రంగ సంస్థల ప్రైవేటీకరణ తప్పదన్నారు ప్రధాని మంత్రి నరేంద్ర మోదీ. ప్రభుత్వ రంగ సంస్థల్ని స్థాపించిన అప్పటి పరిస్థితులు అవసరాలు వేరన్నారు. ఇప్పటి పరిస్తితులు వేరన్నారు. 70 ఏళ్ల పరిస్థితులతో పోల్చితే.. ఇప్పుడు పూర్తిగా మారయన్నారు మోదీ. ప్రభుత్వ రంగ సంస్థల్ని నడపలేమన్నారు. వ్యాపారం చేయడం ప్రభుత్వం పని కాదన్నారు ప్రధాని. కొంతమందికి మాత్రమే ఉపయోగపడే ప్రభుత్వ రంగ సంస్థల్ని నడపలేమని ఆయన తేల్చేశారు. వీటి కోసం పన్ను చెల్లింపు దారుల సొమ్మును ఖర్చు పెట్టాల్సి వస్తుందన్నారు మోదీ. పీఎస్‌యూల ఆర్థిక పరిపుష్టికి సాయం అందించడం భారమని ప్రధాని మోదీ వ్యాఖ్యానించారు. వారసత్వంగా వస్తున్నాయి కదా అని నష్టాల్లో ఉన్న సంస్థల్ని నడపలేమని ఆయన తేల్చి చెప్పేశారు. ప్రజా ధనాన్ని సరిగా వినియోగించుకోవాలన్నారు. పేదల కోసం వినయోగించాల్సిన డబ్బును నష్టాల్లో ఉన్న ప్రభుత్వ రంగ సంస్థల కోసం ఖర్చు పెట్టాల్సి వస్తుందన్నారు. ప్రభుత్వ రంగ సంస్థలకు కేంద్ర మద్దతు అవసరమే అన్నారు. కానీ వాటిని ప్రభుత్వమే నడపాల్సిన అవసరం ప్రస్తుతమున్న పరిస్థితుల్లో అసవరం లేదన్నారు మోదీ. ప్రధాని వ్యాఖ్యలు బట్టి చూస్తుంటే.. విశా స్టీల్ ప్లాంట్‌పై కేంద్రం ఉక్కు పిడుగు మోపినట్లుగా స్పష్టంగా తెలుస్తోంది. ఆందోళనలు చేసినా ఉద్యమించినా పట్టించుకునే పరిస్థితి లేదని పరోక్షంగా కేంద్రం తేల్చేసింది.ప్రభుత్వ రంగ సంస్థల్ని ఇక నడపలేమంటున్న మోదీ కామెంట్స్‌తో... విశాఖ ఉక్కు ప్రైవేటీకరణ దిశగా కేంద్రం అడుగులు వేగవంతం చేసిందని అర్థమవుతోంది. మరోవైపు వైజాగ్ స్టీల్ ప్లాంట్ ప్రైవేట్ బిడ్‌కు కూడా మోదీ సర్కార్ సిద్ధమవుతున్నట్లు సమాచారం.


By February 25, 2021 at 09:48AM


Read More https://telugu.samayam.com/latest-news/india-news/pm-narendra-modi-strong-comments-on-privatisation-of-public-sector-units/articleshow/81202694.cms

No comments