ఐరోపా, అమెరికా కంటే ఇక్కడ కరోనా వ్యాప్తి నెమ్మదికి ఆ ప్రోటీన్ కారణం.. భారతీయ అధ్యయనం

ఇతర ఖండాలతో పోలిస్తే ఆసియాలో వ్యాప్తి మందగించడానికి కారణాలను భారతీయ శాస్త్రవేత్తలు గుర్తించారు. ఆసియా కంటే ఐరోపా, అమెరికాలో ప్రత్యేకంగా మానవ శరీరంలోని ఓ ప్రోటీన్ లోపం సాధారణంగా ఉందని, దీంతో కరోనా వైరస్ వ్యాప్తి వేగంగా ఉందని అధ్యయనంలో తేలింది. పశ్చిమ్ బెంగాల్‌ కళ్యాణిలోని నేషనల్ ఇన్‌స్టిట్యూట్ ఆఫ్ బయోమెడికల్ జినోమిక్స్ (ఎన్ఐబీజీ) శాస్త్రవేత్తలు ఈ అధ్యయనం చేపట్టారు. ఐరోపా, అమెరికాలతో పోల్చితే ఆసియా దేశాల్లో కరోనా వైరస్ వ్యాప్తి నెమ్మదిగా ఉండటానికి గల కారణాలను అన్వేషించారు. మానవ శరీరంలో ఉండే న్యూట్రోఫిల్ ఎలస్టేస్ అనే ప్రోటీన్ అధికస్థాయిలో ఉంటే కరోనా వైరస్ మానవ కణాల్లోకి సహకరించి, ఒకరి నుంచి ఇంకొకరికి వేగంగా వ్యాప్తిచెందుతుందని అధ్యయన బృందం తెలిపింది. అయినప్పటికీ, ఈ ప్రోటీన్‌ను జీవసంబంధ వ్యవస్థను అదుపులో ఉంచుతుంది, ఇది ఆల్ఫా -1 యాంటిట్రిప్సిన్ (AAT) అనే మరో ప్రోటీన్‌ను ఉత్పత్తి చేస్తుంది. ఏఏటీ లోపం న్యూట్రోఫిల్ ఎలస్టేస్‌ సాధారణ కంటే అధికస్థాయికి పెరగడానికి కారణమయి, కరోనా వైరస్ వేగంగా వ్యాప్తి చెందడానికి దోహదపడుతుంది. ఆసియా దేశాలతో పోల్చి చూస్తే అమెరికా, ఐరోపాలో ఈ ప్రోటీన్ లోపం అధికంగా ఉందని శాస్త్రవేత్తలు తెలిపారు. ఈ అధ్యయన ఫలితాలను ఇన్‌ఫెక్షన్, జెనెటిక్స్ అండ్ ఇవేల్యూషన్ జర్నల్‌లో ప్రచురించారు. డాక్టర్ నిధాన్ బిశ్వాస్, పార్థా మజుందార్ నేతృత్వంలోని శాస్త్రవేత్తల బృందం అధ్యయనంలో మ్యుటేషన్ వైరస్ డీ614జీ వ్యాప్తి ఒక్కో ప్రాంతంలో ఒక్కో విధంగా ఉన్నట్టు గుర్తించారు. ‘డీ614జీ మ్యుటేషన్ స్ట్రెయిన్ 50 శాతం సాపేక్ష పౌనఃపున్యాన్ని చేరుకోవడానికి ఐరోపా (2.15 నెలలు), ఉత్తర-అమెరికా (2.83 నెలలు)తో పోలిస్తే తూర్పు ఆసియాలో (5.5 నెలలు) సమయం తీసుకుంది’ అని పేర్కొన్నారు. ‘కరోనా వైరస్ వ్యాప్తి ప్రపంచవ్యాప్తంగా భిన్నంగా ఉండటానికి గల కారణాలపై ప్రచారం జరుగుతోంది. ముఖ్యంగా ఆసియాలో అధిక ఉష్ణోగ్రతల వల్ల వైరస్ వ్యాప్తి తక్కువగా ఉందనే ప్రచారం జోరుగా సాగింది. అయితే తాము మాత్రం జీవ, భౌతిక, సామాజిక కారణమని నమ్ముతున్నాం’ అని మజుందార్ వ్యాఖ్యానించారు. ‘అయినప్పటికీ, AAT ఉత్పత్తి చేసే జన్యువులో సహజంగా సంభవించే కొన్ని ఉత్పరివర్తనలు ఆ ప్రోటీన్ లోపానికి కారణమవుతాయి. ఈ లోపం ఆసియన్ల కంటే యూరప్‌లోకి కాక్సియన్స్, అమెరికన్లలో చాలా ఎక్కువగా ఉంది’ అని పేర్కొన్నారు. డేటా ప్రకారం తూర్పు ఆసియా దేశాల్లోని ప్రతి 1000 మందికి మలేషియాలో 8 మంది, దక్షిణ కొరియాలో 5.4, సింగ్‌పూర్ 2.5 మందికి ప్రొటీన్ లోపం ఉంది. స్పెయిన్‌లో 67.3, ఫ్రాన్స్ 5.19, యూకేలో 34.6, అమెరికాలో 29 మంది దీని లోపంతో బాధపడుతున్నారు.

By February 09, 2021 at 08:46AM

Read More https://telugu.samayam.com/latest-news/india-news/protein-behind-coronas-slow-asia-countries-spread-says-indian-study/articleshow/80758991.cms