ఏడు నిమిషాల గండం దాటి విజయవంతంగా మార్స్‌ను చేరిన పెర్స్‌ర్వెన్స్

అంగారకుడిపై అమెరికా అంతరిక్ష సంస్థ ప్రయోగించిన పెర్స్‌ర్వెన్స్ రోవర్‌కు 7 నిమిషాల గండం గడిచింది. ఈ రోవర్ అంగారకుడి ఉపరితలంపై విజయవంతంగా దిగినట్టు నాసా ధ్రువీకరించింది. ప్రిజర్వెన్స్ రోవర్ విజయవంతంగా అంగారకుడి ఉపరితలాన్ని చేరడంతో నాసా జెట్ ప్రొపల్షన్ ల్యాబొరేటరీ‌ హెడ్‌క్వార్టర్స్‌లో హర్షాతిరేకాలు వ్యక్తమయ్యాయి. స్థానిక కాలమానం ప్రకారం మధ్యాహ్నం 3.55 గంటలకు అంగారక గ్రహాన్ని చేరినట్టు నాసా ఆపరేషన్స్ విభాగం చీఫ్ భారత సంతతి శాస్త్రవేత్త స్వాతి మోహన్ పేర్కొన్నారు. స్వయంచాలక గైడెడ్ విధానం 11 నిమిషాల కంటే ముందే పూర్తయింది, అంటే రేడియో సిగ్నల్స్ భూమికి తిరిగి రావడానికి కొంత సమయం పడుతుంది. రోవర్ విజయవంతంగా అంగార గ్రహాన్ని చేరినట్టు నాసా అసోసియేట్ అడ్మినిస్ట్రేటర్ థామస్ జురుబుర్‌చెన్ ట్వీట్ చేశారు. మార్స్ ఉత్తర అర్ధగోళంలోని జెజెరో బిలం నుంచి ప్రిజర్వెన్స్ తీసిన తొలి బ్లాక్ అండ్ వైట్ ఫోటో ఇది అంటూ ట్విట్టర్‌లో షేర్ చేశారు. ఇక, మార్స్‌పై దిగిన ఐదో రోవర్ పెర్స్‌ర్వెన్స్. తొలిసారిగా 1997లో అంగారక గ్రహాం తొలి రోవర్ దిగింది. ఐదూ అమెరికా అంతరిక్ష సంస్థవే కావడం విశేషం. ఎస్‌యూవీ పరిమాణంలో ఉండే ప్రిజర్వెన్స్ రోవర్ టన్ను బరువు ఉంటుంది. ఏడు అడుగుల పొడవైన రోబోటిక్ చేయి, 19 కెమెరాలు, రెండు మైక్రోఫోన్లు, ఉపరితలంపై శాస్త్రీయ లక్ష్యాలను సాధించడానికి అధునాత పరికరాలు ఇందులో ఉన్నాయి. బహుళ సంవత్సరాల మిషన్ అయిన పెర్స్‌ర్వెన్స్.. బిలియన్ల సంవత్సరాల కిందట మార్స్‌పై ఉండే సూక్ష్మజీవుల ఆనవాళ్లను గుర్తించడం, వాతావరణ పరిస్థితులను అధ్యయనం చేయనుంది. వేసవి నుంచి ఈ రోవర్ 30 రాతి, నేల నమూనాలను సేకరించడానికి ప్రయత్నిస్తుంది. తిరిగి 2030లో ప్రయోగాల విశ్లేషణ కోసం భూమికి చేరనుంది. ‘భూమికి ఆవల మానవ నివాసయోగ్యత ఉందా అనేది? అత్యంత ప్రాథమిక, ముఖ్యమైన ప్రశ్నలలో ఒకటి’ అని నాసా భూవిజ్ఞాన శాస్త్రవేత్త కేటీ స్టాక్ మోర్గాన్ అన్నారు. ‘ఈ ప్రశ్నకు సమాధానం చెప్పే శాస్త్రీయ పరిశోధనలు, సాంకేతిక పరిజ్ఞానాన్ని అభివృద్ధి చేయగల మన సామర్థ్యం మానవజాతిని ఇంత ప్రత్యేకమైనదిగా చేస్తుంది’ వ్యాఖ్యానించారు.

By February 19, 2021 at 08:01AM

Read More https://telugu.samayam.com/latest-news/science-technology/nasa-confirms-perseverance-rover-touched-down-on-the-surface-of-mars/articleshow/81101832.cms