మెగా అప్‌డేట్ రెడీ చేసిన పవన్ కళ్యాణ్.. ప్రత్యేకమైన రోజున స్పెషల్ ట్రీట్ ఇవ్వబోతున్న పవర్ స్టార్
రెండేళ్ల రాజకీయ ప్రయాణం తర్వాత తిరిగి కెమెరా ముందుకొచ్చిన పవర్ స్టార్ యమ జోష్‌లో సినిమాలు చేస్తున్నారు. ఇటీవలే తన రీ- ఎంట్రీ మూవీ 'వకీల్ సాబ్' షూటింగ్ ఫినిష్ చేసిన ఆయన, తదుపరి సినిమాల సెట్స్‌పై చురుకుగా ఉంటున్నారు. సమయాన్ని వృధా చేయకుండా చకచకా షెడ్యూల్స్ ఫినిష్ చేస్తున్నారు. ప్రస్తుతం పవన్ కళ్యాణ్- క్రిష్ కాంబోలో రాబోతున్న కొత్త సినిమా శరవేగంగా షూటింగ్ జరుపుకుంటోంది. ఈ నేపథ్యంలో మెగా అభిమానుల్లో జోష్ నింపేలా ఈ మూవీ ఫస్ట్‌లుక్‌, టైటిల్‌కు సంబంధించిన అధికారిక ప్రకటన చేశారు మేకర్స్. పవన్ కళ్యాణ్ కెరీర్‌లో 27వ సినిమాగా రాబోతున్న ఈ చిత్ర ఫస్ట్‌లుక్‌, టైటిల్ మహాశివరాత్రి పర్వదినాన్ని పురస్కరించుకుని మార్చి 11వ తేదీన విడుదల చేయబోతోన్నట్లుగా నిర్మాణ సంస్థ అధికారికంగా ప్రకటించింది. దీంతో ఆ ప్రత్యేకమైన రోజున తమకు స్పెషల్ ట్రీట్ ఇవ్వనుండటం పట్ల ఆనందం వ్యక్తం చేస్తున్నారు మెగా అభిమానులు. కాగా, ఈ సినిమాకు మొదట 'విరూపాక్ష' అనే టైటిల్ ఫిక్స్ చేసినట్లుగా వార్తలు రాగా.. రీసెంట్‌గా 'హరిహర వీరమల్లు' అనే టైటిల్ ప్రచారంలోకి వచ్చింది. ఏ.ఎం.రత్నం నిర్మాణంలో భారీ రేంజ్‌లో ఈ సినిమాను నిర్మిస్తున్నారు. పీరియాడికల్ బ్యాక్‌డ్రాప్‌లో రాబోతున్న ఈ చిత్రంలో పవన్ కళ్యాణ్ సరసన ఇస్మార్ట్ బ్యూటీ నిధి అగర్వాల్ హీరోయిన్‌గా నటిస్తుండగా, అర్జున్‌ రాంపాల్‌, జాక్వెలిన్‌ ఫెర్నాండెజ్‌ కీలక పాత్రలు పోషిస్తున్నారు. ఔరంగజేబు కాలం నాటి కథతో క్రిష్ మ్యాజిక్‌ చేయనున్నట్లు సమాచారం. ఇక ఈ చిత్రానికి సంగీత దిగ్గజం ఎమ్‌. ఎమ్‌ కీరవాణి సంగీతం అందిస్తుండటం స్పెషల్ అట్రాక్షన్. మొత్తానికైతే మెగా అభిమానులు ఈ సినిమాపై పెట్టుకున్న అంచనాలను మాటల్లో చెప్పలేం.
By February 25, 2021 at 12:59PM
No comments