RED Twitter Review: రామ్ పోతినేని రాపోపై ఆడియన్స్ రిపోర్ట్

ఎనర్జిటిక్ రామ్ హీరోగా రూపొందిన కొత్త సినిమా . ఇటీవలే 'ఇస్మార్ట్ శంకర్' రూపంలో భారీ హిట్ సొంతం చేసుకున్న రామ్.. అదే ఎనర్జీతో ఈ సినిమా చేశాడు. కిషోర్ తిరుమల దర్శకత్వంలో రూపొందిన ఈ సినిమాలో రామ్ సరసన నివేదా పేతురాజ్‌, మాళవికా శర్మ, అమృతా అయ్యర్‌ హీరోయిన్లుగా నటించారు. శ‌్రీ స్ర‌వంతి మూవీస్ పతాకంపై స్రవంతి రవి కిషోర్ నిర్మించారు. మణిశర్మ బాణీలు కట్టారు. ఇప్పటివరకు విడుదలైన RED అప్‌డేట్స్ సినిమాపై భారీ హైప్ క్రియేట్ చేశాయి. ఈ నేపథ్యంలో నేడు (జనవరి 14) సంక్రాంతి కానుకగా ఈ సినిమాను ప్రేక్షకుల ముందుకు తీసుకొస్తున్నారు. మరికొద్ది సేపట్లో ఇండియాలో షోస్ ప్రదర్శనకు థియేటర్లు రెడీ కాగా.. ఇప్పటికే (గత రాత్రి) యూఎస్‌‌లో ప్రీమియర్ షోలు పడ్డాయి. మరి ఈ ప్రీమియర్స్ చూసిన అక్కడి ఆడియన్స్ ట్విట్టర్ ద్వారా ఎలా రియాక్ట్ అయ్యారో చూద్దామా.. మరోసారి మాస్ ఆడియన్స్‌ని టార్గెట్ చేస్తూ డిఫరెంట్ గెటప్‌లో రంగంలోకి దిగిన రామ్ రెండు పాత్రలతో ఆకట్టుకున్నారట. ఈ సినిమాలో సిద్దార్థ్, ఆదిత్యగా రెండు విభిన్న షేడ్స్‌లో రామ్ నటన హైలైట్ అయిందని తెలుస్తోంది. కథలో కొన్ని సన్నివేశాలు చాలా ఆసక్తికరంగా ఉన్నాయని అంటున్నారు. లవ్ అండ్ రొమాంటిక్ సీన్స్, అలాగే కామెడీ సీన్స్ పెద్దగా పండలేదనే అభిప్రాయలు వినిపిస్తున్నాయి. ఫస్టాఫ్ స్లోగా అనిపించిందని, యావరేజ్ ఫస్టాఫ్ అని చెబుతున్నారు. సెకండాఫ్‌కి వచ్చే సరికి సినిమా కాస్త పుంజుకొని ఎంటర్‌టైన్ చేసిందని ఎక్కువమంది అభిప్రాయ పడుతున్నారు. ఇంటర్వెల్ బాంగ్ బాగుందని, రామ్ పర్‌ఫార్‌మెన్సే సినిమాకు మేజర్ అట్రాక్షన్ అని అంటున్నారు. కథను సాగదీస్తూ వెళ్లడం సినిమాకు మైనస్ పాయింట్ అనేది ఇప్పటిదాకా యూఎస్ ఆడియన్స్ నుంచి అందిన సమాచారం. చూస్తుంటే ఈ RED మూవీపై ప్రేక్షకులు మిశ్రమంగా స్పందిస్తున్నారని అర్థమవుతోంది. సో.. మరి ఈ RED మూవీలో హీరోయిన్స్ రోల్ ఎలా ఉంది? రామ్ మాస్ ఆడియన్స్‌కి ఇచ్చిన కిక్కేంటి? కామెడీ, క్లైమాక్స్ ఎలా ఉన్నాయి? మొత్తంగా చూస్తే విడుదలకు ముందు ఉన్న అంచనాలను RED మూవీ రీచ్ అయిందా..లేదా? ఈ వివరాలన్నింటి కోసం మరి కాసేపట్లో 'సమయం' నుంచి రాబోయే పూర్తి రివ్యూ చూసేయండి.

By January 14, 2021 at 08:54AM

Read More https://telugu.samayam.com/telugu-movies/cinema-news/ram-pothinenis-red-twitter-review/articleshow/80261780.cms