రాధేశ్యామ్‌లో కృష్ణం రాజు.. తన రోల్ రివీల్ చేస్తూ సీక్రెట్ బయటపెట్టిన రెబల్ స్టార్
బాహుబలి సినిమాతో వరల్డ్ స్టార్‌గా మారిన ప్రభాస్ తన లేటెస్ట్ మూవీ `రాధేశ్యామ్`తో బిజీగా ఉన్నారు. జిల్ ఫేమ్ రాధాకృష్ణ దర్శకత్వంలో తెరకెక్కుతున్న ఈ సినిమా షూటింగ్ గత కొన్ని నెలలుగా జరుగుతున్న సంగతి తెలిసిందే. ఇప్పటికే మేజర్ పార్ట్ షూటింగ్ ఫినిష్ చేసిన చిత్రయూనిట్ ప్రస్తుతం చివరిదశ షూటింగ్ పనుల్లో నిమగ్నమై ఉంది. అయితే ఈ సినిమాలో ప్రభాస్ పెదనాన్న, రెబల్ స్టార్ కూడా భాగం కాబోతున్నారని తెలుస్తుండటం హాట్ టాపిక్ అయింది. చిత్రంలో కృష్ణం రాజు రోల్ ఎలా ఉండబోతోంది అనే దానిపై చర్చలు నడుస్తున్నాయి. ఈ నేపథ్యంలో ఇటీవలే తన పుట్టిన రోజు సందర్భంగా `రాధేశ్యామ్` మూవీలో తన రోల్ ఏంటి? ఎలా ఉండబోతోంది అనే సీక్రెట్ రివీల్ చేశారు కృష్ణం రాజు. బుధవారం రోజు 81వ పుట్టిన రోజు జరుపుకున్న కృష్ణం రాజు.. రాధేశ్యామ్ సినిమాలో మహాజ్ఞాని పరమహంస పాత్రలో కనిపించబోతున్నానని చెప్పి ప్రభాస్ అభిమానుల్లో ఉత్సాహం నింపారు. ఇప్పటికే తన పాత్రకు సంబంధించిన షూటింగ్ కూడా పూర్తయిందని ఆయన పేర్కొన్నారు. భారీ బడ్జెట్ కేటాయించి రొమాంటిక్ ఎంటర్‌టైనర్‌గా ప్రేక్షకుల ముందుకు తీసుకురాబోతున్న ఈ ‘రాధే శ్యామ్’ మూవీలో ప్రభాస్ దొంగగా కనిపించబోతున్నాడని తెలుస్తోంది. ప్రభాస్ సరసన పూజా హెగ్డే హీరోయిన్‌గా నటిస్తోంది. ఇటలీ నేపథ్యంలో సాగే పీరియాడిక్ లవ్‌స్టోరీగా ఈ మూవీ ప్రేక్షకులను అలరించనుందట. ఇప్పటికే విడుదలైన ఈ మూవీ అప్‌డేట్స్ సినిమాపై ఓ రేంజ్ అంచనాలు క్రియేట్ చేశాయి. ఈ మూవీ టీజర్ త్వరలోనే వస్తుందని చిత్ర యూనిట్ ఇటీవల ప్రకటించడంతో ప్రభాస్ ఫ్యాన్స్ ఆతృతగా ఎదురుచూస్తున్నారు.
By January 22, 2021 at 11:45AM
No comments