వరుణ్ తేజ్ ‘గని’ ఫస్ట్ లుక్ అదుర్స్.. జులైలో రింగ్‌లోకి మెగా ప్రిన్స్
మెగా ప్రిన్స్ తన 10వ సినిమాగా బాక్సింగ్ డ్రామాను చేస్తున్న విషయం తెలిసిందే. కిరణ్ కొర్రపాటి దర్శకత్వంలో రూపొందుతోన్న ఈ సినిమాకు ‘గని’ అనే టైటిల్‌ను ఖరారు చేశారు. నేడు (జనవరి 19న) వరుణ్ తేజ్ పుట్టినరోజు సందర్భంగా సినిమా టైటిల్‌తో పాటు ఫస్ట్ లుక్, మోషన్ పోస్టర్‌ను విడుదల చేశారు. మెగా పవర్ స్టార్ ‘గని’ మోషన్ పోస్టర్‌ను సోషల్ మీడియా ద్వారా విడుదల చేశారు. తమ్ముడు వరుణ్ తేజ్‌కు పుట్టినరోజు శుభాకాంక్షలు తెలియజేశారు. ‘గని’ మోషన్ పోస్టర్ చాలా బాగుందని ఆయన కొనియాడారు. కాగా, ‘గని’ టైటిల్ మెగా అభిమానులను విపరీతంగా ఆకర్షిస్తోంది. దీనికి కారణం ‘బాలు’ సినిమాలోని పవర్ స్టార్ పవన్ కళ్యాణ్ పాత్ర పేరు గని కావడమే. టైటిల్‌కు తగ్గట్టే వరుణ్ తేజ్ ఫస్ట్ లుక్ కూడా అదిరిపోయింది. మోషన్ పోస్టర్‌కు తమన్ నేపథ్య సంగీతం మరో ప్రధాన ఆకర్షణ. ప్రస్తుతం ఫుల్ ఫామ్‌లో ఉన్న తమన్.. ‘గని’కి కూడా అద్భుతమైన నేపథ్య సంగీతం అందించబోతున్నట్టు స్పష్టమవుతోంది. ప్రముఖ నిర్మాత అల్లు అర‌వింద్ స‌మ‌ర్పణ‌లో రెన‌సాన్స్ ఫిలింస్‌, బ్లూ వాట‌ర్ క్రియేటివ్ ప‌తాకాల‌పై సిద్ధు ముద్ద, అల్లు వెంక‌టేష్ (బాబీ) ఈ చిత్రాన్ని నిర్మిస్తున్నారు. బాలీవుడ్ బ్యూటీ సయీ మంజ్రేక‌ర్ క‌థానాయిక‌గా న‌టిస్తుంది. కన్నడ హీరో ఉపేంద్ర, బాలీవుడ్ స్టార్ సునీల్ శెట్టి, జగపతిబాబు, నవీన్ చంద్ర కీలక పాత్రలు పోషిస్తున్నారు. తమన్ సంగీతం సమకూరుస్తోన్న ఈ చిత్రానికి జార్జ్ సి విలియమ్స్ సినిమాటోగ్రఫీ అందిస్తున్నారు. ఈ సినిమాను జులై 30న విడుదల చేయనున్నట్టు గతంలో ప్రకటించారు. ఇప్పుడు మోషన్ పోస్టర్‌పై కూడా జులైలో రింగ్‌లో ఎంటరవుతాడని రాశారు. ‘గద్దలకొండ గణేష్’ లాంటి కమర్షియల్ హిట్ తరవాత వరుణ్ తేజ్ చేస్తోన్న సినిమా ‘గని’. కాస్త ఎక్కువగానే విరామం తీసుకుని ఈ ప్రాజెక్ట్‌లోకి అడుగుపెట్టారు వరుణ్. దీనికి కారణం మేకోవర్. బాక్సర్‌గా ట్రైనింగ్ కోసం వరుణ్ ఎక్కువ సమయం తీసుకున్నారు. ఆ తరవాత కరోనా వైరస్, లాక్‌డౌన్‌తో మరింత ఆలస్యమైంది. ఎంత ఆలస్యమైనా అనుకున్న సమయానికి సినిమాను ప్రేక్షకుల ముందుకు తీసుకొచ్చేందుకు ప్రయత్నిస్తోంది చిత్ర యూనిట్.
By January 19, 2021 at 11:00AM
No comments