ఫేస్బుక్తో అమాయలకు వల.. దోచుకున్న సొమ్ముతో జల్సాలు.. ఆఫ్రికన్ ముఠా ఆటకట్టు
ఫేస్బుక్ వేదికగా మహిళలు, పురుషులు, యువతతో స్నేహం చేసినట్లు నటించి అందినకాడికి దోచుకుంటున్న అంతర్జాతీయ ముఠాను రాచకొండ సైబర్ క్రైమ్ పోలీసులు అరెస్టు చేశారు. ‘ఆఫ్రికాలోని ఘనా దేశానికి చెందిన అక్పలు గాడ్స్టైం(26), లైబీరియా దేశానికి చెందిన అడ్జెల్గిఫ్ట్ ఒసాస్(27), క్రోమా ఒయిబో(24), నైజీరియాకు చెందిన ఎన్కెకికాన్ఫిడెన్స్ డేవిడ్(27), ఇహిగియేటర్ డానియల్(29) స్నేహితులు. వీరంతా కలిసి దిల్లీ వేదికగా అనేక సైబర్ నేరాలకు పాల్పడ్డారు. ఇందులో ప్రధాన నిందితుడు గాడ్స్టైం 2019 మార్చిలో టూరిస్టు వీసాపై దిల్లీ వచ్చాడు. అనంతరం దాన్ని బిజినెస్ వీసాగా మార్చుకుని మిగిలిన నలుగురితో దిల్లీలోని ఓ అపార్టుమెంటులో ఫ్లాట్ తీసుకుని కార్యకలాపాలు కొనసాగిస్తున్నాడు. ప్రధాన సూత్రధారి గాడ్స్టైం పురుషులకు మహిళల ఫొటోలు, మహిళలకు పురుషుల ఫొటోలు ప్రొఫైల్గా పెట్టి ఫేస్బుక్లో ఫ్రెండ్ రిక్వెస్ట్ పంపుతాడు. వాళ్లు రిక్వెస్ట్ యాక్సెప్ట్ చేశాక కొద్దిరోజులు చాటింగ్ చేస్తాడు. తాను విదేశాల్లో ఒంటరిగా నివసిస్తున్నానని, తన దగ్గర చాలా డబ్బు ఉందని నమ్మిస్తాడు. తన బుట్టలో పడిన అమాయకులకు తరచూ గిఫ్టులు పంపిస్తూ ఆకట్టుకుంటాడు. మిగిలిన నిందితుల్లో ఒకరు నకిలీ ధ్రువపత్రాలతో వైఫై కనెక్షన్ తీసుకుంటాడు. మరొకరు సిమ్కార్డులు కొనుగోలు చేస్తాడు. వీటితో ఫేస్బుక్లో పరిచయమైన అమాయకులకు ఫోన్లు చేసి వలలో వేస్తుంటారు. మరొకరు కస్టమ్స్ అధికారిగా నమ్మిస్తూ డబ్బు వసూలు చేస్తుంటాడు. Also Read: నాలుగోవ్యక్తి మధ్యవర్తులకు కమీషన్ ఇచ్చి బ్యాంకు ఖాతాలు తెరిచి, బాధితులు వేసే డబ్బు ఆ ఖాతాలో పడేలా చూస్తాడు. వీరంతా ఆన్లైన్లో డింగ్టోన్ యాప్ ద్వారా ఈ మోసాలకు పాల్పడుతున్నట్లు రాచకొండ పోలీస్ కమిషనర్ మహేష్ భగవత్ తెలిపారు. 2020, నవంబరు 28న రాచకొండ కమిషనరేట్ పరిధిలోని మీర్పేట పీఎస్లో ఓ బాధితుడు ఇచ్చిన ఇచ్చిన ఓ ఫిర్యాదు ఆధారంగా దర్యాప్తు చేపట్టి దిల్లీలో ఉన్న నిందితులను అరెస్టు చేసి రిమాండ్కు తరలించినట్లు సీపీ తెలిపారు. అమాయలకుల నుంచి కొట్టేసిన నగదుతో వీరంతా ఎంజాయ్ చేస్తున్న వీడియోలు చూసి పోలీసులు షాకయ్యారు.
By January 09, 2021 at 10:59AM
No comments