Breaking News

సూది బెజ్జం అంత సందు ఇస్తే చెవిలో ఉచ్చపోసే రకాలు మీరు.. మీడియాపై బాలయ్య చిందులు


స్వర్గీయ నందమూరి తారకరామారావు 25వ వర్థంతి సందర్భంగా హైదరాబాద్‌లోని ఎన్టీఆర్ ఘాట్ వద్ద నందమూరి నివాళులర్పించారు. ఈ సందర్భంగా మీడియాతో మాట్లాడిన ఆయన.. ఎన్టీఆర్ గురించి మాట్లాడటం అంటే.. సూర్యుడ్ని వేలెత్తి చూపించడం లాంటిదే అని అంత ఉత్తమమైన జీవితం ఎన్టీఆర్‌ది అని కొనియాడారు. భూమి మీద ఎందరో పుడతారు, గిడతారు.. కానీ అందరూ మహానుభావులు కాలేరు. ఎటువంటి వ్యతిరేక పరిస్థితులకు చెదరక, బెదరక, తలవంచక ముందుకు సాగిన ధీరదాతుడు, తెలుగు వారి ఆత్మగౌరవాన్ని కాపాడిన వీరుడు, తెలుగు వెలుగును ప్రపంచం నలుమూలల ప్రసరింపజేసిన తెలుగు వెలుగు నందమూరి తారక రామారావు గారు అంటూ తన తండ్రిని గుర్తుచేసుకున్నారు బాలయ్య. అయితే బాలయ్య తన అనుచరులు, తెలుగుదేశం పార్టీ నాయకులు, కుటుంబ సభ్యులతో కలిసి ఎన్టీఆర్ ఘాట్‌కి చేరుకోవడంతో కవరేజ్ కోసం వివిధ ఛానల్స్ పోటీపడ్డాయి. దీంతో బాలయ్య అసహనం వ్యక్తం చేస్తూ మీడియా ప్రతినిధులపై చిందులు తొక్కారు. బాలయ్య సోదరుడు రామకృష్ణ మాట్లాడుతున్న సందర్భంలో ‘మైక్ పెట్టు.. మైక్ పెట్టు తమ్ముడూ’.. అని మీడియా ప్రతినిధి అనడంతో.. ‘ఎక్కడా ? మైక్ పెట్టు కాదు.. మైక్ పట్టుకో అను.. నీ యబ్బా’ అంటూ సీరియస్ అయ్యారు. అంతకు ముందు బాలయ్య మాట్లాడుతుండగా.. ‘కొంచెం ముందుకు రండి సార్.. కొంచెం వెనక్కి వెళ్లండి సార్ అని మంచి ఫ్రేమ్ కోసం మీడియా సిబ్బంది హడావిడి చేయడంతో.. ‘చాల్ చాల్లే.. మీ సలహాలు.. సూది బెజ్జం అంత సందు ఇస్తే చెవిలో ఉచ్చపోసే రకాలు మీరు’ అంటూ మీడియాపై ఫైర్ అయ్యారు బాలయ్య. మొత్తానికి బాలయ్య అంటేనే సంథింగ్ స్పెషల్.. అందరిలా తాను కాదంటూ సందర్భంగా మరోసారి తన మార్క్ చూపించారు ఈ నందమూరి నట వారసుడు.


By January 18, 2021 at 12:40PM


Read More https://telugu.samayam.com/telugu-movies/cinema-news/nandamuri-balakrishna-serious-on-media-representatives-at-ntr-ghat/articleshow/80324828.cms

No comments