Breaking News

ఫార్మసిస్ట్ నిర్లక్ష్యం.. పాడైపోయిన 500 కోవిడ్ టీకా డోస్‌లు.. అరెస్ట్ చేసిన పోలీసులు


ఓ ఫార్మసిస్ట్ ఉద్దేశపూర్వకంగా 500కిపైగా టీకా డోస్‌లను ధ్వంసం చేసిన ఘటన అమెరికాలోని విస్కోన్‌సిన్ రాష్ట్రం మిల్వాకీలో చోటుచేసుకుంది. నిందితుడిని గురువారం మధ్యాహ్నం పోలీసులు అదుపులోకి తీసుకున్నట్టు స్థానిక అధికారులు తెలిపారు. అయితే, పేరును మాత్రం వెల్లడించలేదు. ఆస్పత్రి బయట ఈ చర్యకు పాల్పడినట్టు పేర్కొన్నారు. గ్రాఫ్టన్ పోలీస్ అధికారి మాట్లాడుతూ.. నిర్లక్ష్యంగా వ్యవహరిండం, సూచించిన ఔషధాన్ని కల్తీ చేయడం, ఆస్తి నష్టం కలిగించడం వంటి ఆరోపణలపై ఓ వ్యక్తిని అరెస్టు చేశామని అన్నారు. అతన్ని కౌంటీ జైలులో ఉంచినట్లు పోలీసు శాఖ ఒక ప్రకటనలో తెలిపింది. గ్రాఫ్టన్‌లోని అరోరా మెడికల్ సెంటర్‌లో ఈ ఘటన చోటుచేసుకుంది. టీకా డోస్‌లు పరిమితి సంఖ్యలో టీకా డోస్‌లు అందుబాటులో ఉన్న తరుణంలో ఇటువంటి చర్యలకు పాల్పడటంపై తీవ్ర ఆగ్రహం వ్యక్తమవుతోంది. ధ్వంసమైన ఈ డోస్‌ల మొత్తం విలువ 11,000 డాలర్లు ఉంటుంది. తొలి దశలో ఆరోగ్య సిబ్బంది, ఫ్రంట్‌లైర్ వర్కర్స్, వయసు మళ్లినవారికి టీకాను అందజేయడమే లక్ష్యంగా పెట్టుకున్నారు. ఫార్మసిస్ట్ చర్యలతో వందలాది మంది ప్రజలకు టీకా వేయడంలో జాప్యం జరిగిందని ఆరోగ్య శాఖ అధికారులు పేర్కొన్నారు. నిర్లక్ష్యంగా వ్యవహరించిన ఆ ఫార్మసిస్ట్‌ను ఉద్యోగం నుంచి ఈ వారం తొలగించినట్టు అరోరా హెల్త్ కేర్ వెల్లడించింది. 57 డోస్‌లను తొలగించాడని, టీకాను సక్రమంగా నిల్వచేయకపోతే పనికిరావనే విషయం అతడికి తెలుసని రాతపూర్వకంగా అంగీకరించినట్టు పోలీసులు తెలిపారు. అయితే, ఆరోపణలు సందిగ్ధంలో ఉన్న కారణంగా అతడి పేరును బయటపెట్టడంలేదన్నారు. ఇంతకు ముందు అరోరా అధికారులు దీనిపై మౌనంగా ఉన్నారు, కానీ అతడి వైఖరి శ్రుతిమించడంతో చర్యలు తీసుకున్నారు. రిఫ్రిజిరేటర్ వెలుపల వదిలిపెట్టిన 57 వ్యాక్సిన్ డోస్‌లను శనివారం కనుగొన్నారు. ప్రతి సీసా 10 టీకాలకు సరిపోతుంది కానీ, గది ఉష్ణోగ్రత వద్ద కేవలం 12 గంటలు మాత్రమే నిల్వ ఉంటుంది. ఒకసారి బయటకు తీసిన తర్వాత, పునర్వినియోగానికి పనికిరాదు. అతడి చర్య ఉద్దేశపూర్వకంగా ఉందని గుర్తించామని అరోరా యాజమాన్యం తెలిపింది. మిల్వాకీకి ఉత్తరాన ఉన్న గ్రాఫ్టన్‌లో జరిగిన ఈ ఘటనపై పోలీసులకు ఫిర్యాదు చేశామని, దర్యాప్తునకు ఎఫ్‌బీఐ, ఫుడ్ అండ్ డ్రగ్ అడ్మినిస్ట్రేషన్ సహాయపడ్డారని చెప్పారు. ఇది ఉద్దేశపూర్వకంగా జరిగిన మానవ తప్పిదమేనని ఆస్పత్రి అధికారులు పేర్కొన్నారు. మోడెర్నా టీకాను శుక్రవారం రాత్రి రిఫ్రిజిరేటర్‌లో పెట్టకుండా బయటే ఉంచినట్టు తెలిపింది.


By January 01, 2021 at 12:50PM


Read More https://telugu.samayam.com/latest-news/international-news/police-arrest-pharmacist-who-intentionally-spoiled-500-moderna-vaccine-doses/articleshow/80057839.cms

No comments