వ్యాపారవేత్తతో సింగర్ సునీత నిశ్చితార్థం.. త్వరలోనే పెళ్లి
ప్రముఖ సినీ గాయని సునీత రెండో పెళ్లిపై కొంతకాలంగా వస్తున్న రూమర్లకు చెక్ పడింది. డిజిటల్ రంగంలో కీలక పాత్ర పోషిస్తున్న వ్యాపారవేత్త రామ్ వీరపనేనితో సోమవారం ఉదయం సునీత నిశ్చితార్థం జరిగింది. అతికొద్ది మంది అతిథుల సమక్షంలో ఇంట్లోనే సింపుల్‌గా ఈ కార్యక్రమాన్ని నిర్వహించారు. దీనికి సంబంధించిన ఫోటోలు ఇప్పుడు వైరల్‌గా మారాయి. వివాహ తేదీ త్వరలోనే నిశ్చయిస్తామని కుటుంబసభ్యులు తెలిపారు. సునీతకు19 ఏళ్ల వయసులోనే పెళ్లయ్యింది. ఇద్దరు పిల్లలు పుట్టాక భర్త వేధింపులు భరించలేక ఆమె విడాకులు తీసుకున్నారు. ప్రస్తుతం పిల్లల బాధ్యతను ఆమే చూసుకుంటున్నారు. అయితే కొంతకాలంగా తన వ్యక్తిగత జీవితంపై ఎన్నో పుకార్లు వచ్చినా సునీత వాటిని ధైర్యంగా ఎదుర్కొన్నారు. రెండో పెళ్లి విషయంపై కొద్దిరోజులుగా వార్తలొస్తున్నా ఆమె స్పందించలేదు. తాజాగా ఎంగేజ్‌మెంట్ చేసుకుని అన్నింటికీ చెక్ పెట్టేశారు. మరోవైపు రామ్ వీరపనేనికి కూడా ఇది రెండో వివాహమేనని తెలుస్తోంది.
By December 07, 2020 at 01:13PM
No comments