రాహుల్‌లో భయం అనే తెలియని గుణం ఉంది.. అమెరికా మాజీ అధ్యక్షుడు ఒబామా ఆసక్తికర వ్యాఖ్యలు

అమెరికా మాజీ అధ్యక్షుడు తన రాజకీయ అనుభవాలు, జీవిత జ్ఞాపకాలను‘ఏ ప్రొమైజడ్ ల్యాండ్’ పేరుతో పుస్తక రూపంలో తీసుకొస్తున్నారు. నవంబరు 17న ఈ పుస్తకాన్ని విడుదల చేయనున్నారు. అయితే, ఇందులో కాంగ్రెస్ అధ్యక్షురాలు సోనియా గాంధీ, , మాజీ ప్రధాని మన్మోహన్ సింగ్ గురించి ఒబామా ఆసక్తికర వ్యాఖ్యలు చేసినట్టు సమీక్ష నిర్వహించిన న్యూయార్క్ టైమ్స్ పేర్కొంది. ‘రాహుల్‌ గాంధీలో భయం అనే తెలియని గుణం ఉంది.. తరగతి గదిలో టీచర్‌ను ఆకట్టుకోడానికి ప్రయత్నించే విద్యార్ధిలా ఆత్రుతగా ఉంటాడు.. కానీ, ఓ విషయం గురించి లోతుగా నేర్చుకోవాలనే వైఖరి, అభిరుచి లేదు’ అని ఒబామా పేర్కొన్నట్టు న్యూయార్క్ టైమ్స్ తెలిపింది. సోనియా గాంధీ గురించి కూడా ఒబామా తన జ్ఞాపకాల్లో పంచుకున్నారు. ‘చార్లీ క్రిస్ట్, రహమ్ ఇమాన్యుయేల్ వంటి మగవాళ్ల అందం గురించి చెప్పుకుంటారు.. కానీ, సోనియా గాంధీ విషయంలో ఒకటి రెండు సందర్భాల్లో తప్ప ఆమె గురించి చెప్పలేం’అని అన్నారు. మాజీ ప్రధాని మన్మోహన్ సింగ్, అమెరికా రక్షణ శాఖ మాజీ మంత్రి బాబ్ గేట్స్ ఒకే విధమైన చిత్తశుద్ది కలిగిన వ్యక్తులని అన్నారు. రష్యా అధ్యక్షుడు వ్లాదిమిర్ పుతిన్ భౌతికంగా గుర్తించలేని వ్యక్తని అభిప్రాయపడ్డారు. మొత్తం 768 పేజీలున్న ఈ పుస్తకంలో చిన్నతనం నుంచి జీవితంలో జరిగిన సంఘటనలను, జ్ఞాపకాలను వివరించారు. అగ్రరాజ్యానికి అధ్యక్షుడిగా ఎన్నికైన తొలి ఆఫ్రికన్-అమెరికన్‌గా ఒబామా చరిత్ర సృష్టించిన విషయం తెలిసిందే. అధ్యక్షుడి హోదాలో రెండుసార్లు 2010, 2015లో భారత్ పర్యటనకు విచ్చేశారు. 2009 జనవరి నుంచి 2017 జనవరి వరకు ఆయన రెండుసార్లు అమెరికా అధ్యక్షుడిగా ఉన్నారు. డిసెంబరు 2017లోనూ ఒబామా భారత్‌కు వచ్చినప్పుడు రాహుల్ మరోసారి ఆయనను కలుసుకున్నారు.

By November 13, 2020 at 07:51AM

Read More https://telugu.samayam.com/latest-news/india-news/us-former-president-obama-mentions-congress-leader-rahul-gandhi-in-his-memoir/articleshow/79202664.cms