వేరు కాపురం పెట్టలేదని భర్తని చంపేసిన భార్య.. కర్నూలులో దారుణం

జిల్లా ముసలిమడుగు అటవీ ప్రాంతంలో హత్యకు గురైన గంగయ్య మర్డర్ మిస్టరీని పోలీసులు ఛేదించారు. కట్టుకున్న భార్యే సుపారీ ఇచ్చి భర్తని హత్య చేయించినట్లు తేల్చారు. నిందితులను అరెస్టు చేసిన పోలీసులు మీడియా సమావేశంలో వివరాలు వెల్లడించారు. జిల్లాలోని కొత్తపల్లి మండలం శివపురం గ్రామానికి చెందిన గంగయ్యకి అదే మండలంలోని చిన్నగుమ్మడాపురం గ్రామానికి చెందిన ఫక్కీరయ్య కుమార్తె దుర్గమ్మతో 18 ఏళ్ల కిందట వివాహమైంది. కొద్దిరోజులు సాఫీగానే సాగిన కాపురంలో కలహాలు రేగాయి. ఆస్తులు పంపకాలు జరగాలని.. వేరు కాపురం పెట్టాలని దుర్గమ్మ పట్టుబట్టింది. ఆస్తి తన పేరుమీద రాసివ్వాలని ఒత్తిడి చేసింది. అందుకు భర్త గంగయ్య ఒప్పుకోకపోగా తీవ్రంగా మందలించడంతో భార్య పుట్టింటికి వెళ్లిపోయింది. అప్పటి నుంచి చాలాసార్లు గంగయ్య భార్య పుట్టింటికి వెళ్లి కాపురానికి రావాలని కోరేవాడు. ఆస్తులు పంచి ఇస్తే తప్ప తిరిగిరానని ఆమె భీష్మించుక్కూర్చుంది. దానికి తోడు మామ ఫక్కీరయ్య, బావమరిది మియాసావు కలసి గంగయ్యని తొట్టి కొట్టేవారు. భార్య వెళ్లిపోవడం.. అత్తింటి అవమానాల కారణంగా గంగయ్య మద్యానికి బానిసయ్యాడు. తరచూ ఇంటికి వచ్చి గొడవపడుతున్న భర్తని అడ్డుతొలగించుకోవాలని దుర్గమ్మ భావించింది. తండ్రి, తమ్ముడితో కలసి పథకం వేసింది. భర్తను చంపేందుకు శివపురానికి చెందిన కదిరి రవి, మహేష్, పెద్దగుమ్మడాపురానికి చెందిన చెంచు వెంకటేశ్వర్లుతో చేయించేందుకు రెండు లక్షలకు బేరం కుదుర్చుకున్నారు. అందులో భాగంగా రూ.2 వేలు అడ్వాన్స్‌గా ఇచ్చారు. పని పూర్తయిన తర్వాత మిగిలన మొత్తం ఇస్తామని ఒప్పందం చేసుకున్నారు. రంగంలోని దిగిన సుపారీ ముఠా సభ్యులు మద్యం తాగుదామని నమ్మబలికి గత నెల 28న గంగయ్యను బైక్ ఎక్కించుకుని ముసలిమడుగు గ్రామ సమీపంలోని అటవీ ప్రాంతంలోకి తీసుకెళ్లారు. గంగయ్యతో ఫుల్లుగా మద్యం తాగించిన అనంతరం తలపై కర్రతో కొట్టి.. టవల్‌తో గొంతునులిమి అమానుషంగా చంపేశారు. మృతదేహాన్ని అక్కడే పడేసి పరారయ్యారు. మరుసటి రోజు గంగయ్య మృతదేహాన్ని గుర్తించిన స్థానికులు పోలీసులకు సమాచారం అందించారు. Also Read: సంఘటన స్థలానికి చేరుకున్న పోలీసులు మృతదేహాన్ని పరిశీలించి పోస్టుమార్టానికి తరలించారు. కేసు నమోదు చేసి విచారణ చేపట్టడంతో షాకింగ్ నిజాలు వెలుగులోకి వచ్చాయి. కాపురానికి రమ్మన్నందుకు కట్టుకున్న భార్యే కిరాతకంగా హత్య చేయించినట్లు తేలింది. భార్యతో సహా ఆమెకు సహకరించిన తండ్రి, తమ్ముడు, సుపారీ గ్యాంగ్ సభ్యుల వెంకటేశ్వర్లు, రవిని పోలీసులు అరెస్టు చేశారు. మరో నిందితుడు మహేష్ పరారీలో ఉన్నాడు. అతని కోసం గాలింపు చర్యలు చేపట్టారు. Read Also:

By October 03, 2020 at 09:55AM

Read More https://telugu.samayam.com/latest-news/crime/woman-hires-supari-gang-to-murder-husband-in-kurnool/articleshow/78457459.cms