అమెరికా అధ్యక్ష ఎన్నికలు: వాడీవేడిగా డిబేట్.. భారత్‌పై ట్రంప్ సంచలన వ్యాఖ్యలు
అమెరికా అధ్యక్ష ఎన్నికల్లో అత్యంత కీలకమైన అభ్యర్థుల డిబేట్ వాడీవేడిగా జరిగింది. ప్రెసిడెంట్ రేసులో ఉన్న ఉన్న డెమొక్రటిక్ పార్టీ అభ్యర్థి బైడెన్, ప్రస్తుత అధ్యక్షుడు, రిపబ్లిక్‌ అభ్యర్థి డొనాల్డ్‌ ట్రంప్ ఈ డిబేట్‌లో పాల్గొన్నారు. క్లీవ్‌లాండ్‌లో జరిగిన ఈ కార్యక్రమానికి సంధానకర్తగా క్రిస్‌ వాలెస్‌ వ్యవహరించారు. ట్రంప్, బైడెన్ మధ్య జరిగిన ఈ మొదటి చర్చలో అమెరికా సుప్రీంకోర్టు న్యాయమూర్తుల ఎంపికలో వచ్చిన ఆరోపణలు, విమర్శలపై ప్రారంభమైంది. కరోనా విజృంభణ, నల్లజాతీయుల నిరసనలు, సుప్రీం కోర్టు న్యాయమూర్తి ఎన్నికతో పాటూ కీలక అంశాలపై ఇద్దరు అభ్యర్థులు తమ అభిప్రాయాలు, విధానాలను ప్రస్తావించారు. కరోనాపై ప్రజలను అప్రమత్తం చేయడంలో ట్రంప్ విఫలమయ్యారని బైడెన్ విమర్శలు చేశారు. కోవిడ్ నియంత్రణలో ట్రంప్ విఫలమయ్యారని.. వైద్య, ఆరోగ్య విధానంపై ట్రంప్‌కు ఓ ప్రణాళిక లేదన్నారు. ఒబామా కేర్‌కు ప్రత్యామ్నాయం ఎందుకు తీసుకురాలేక పోయారని బైడెన్ ప్రశ్నించారు. ఒబామా కేర్‌ను రద్దు చేయడంతో ప్రజలు ఇబ్బందులు పడ్డారని ఆయన విమర్శించారు. మహమ్మారి ప్రమాదాన్ని తక్కువగా అంచనా వేశారని.. కరోనాను ఎదుర్కోవడంలో ట్రంప్ చెప్పేవి అన్నీ అబద్ధాలు అన్నారు. ప్రజల ఆరోగ్యం, సామాజిక దూరం పట్టించుకోకుండా ట్రంప్ వ్యవహరించారు. ఈ విమర్శలకు ట్రంప్ కౌంటర్ ఇచ్చారు.. డెమొక్రటిక్ పార్టీ 47 ఏళ్ల పాలనలో అమెరికాకు చేసిందేమీ లేదన్నారు. భారత్ సహా ఇతర దేశాల్లో కరోనాతో ఎంతమంది చనిపోయారో బైడెన్‌కు తెలియదా ప్రశ్నించారు. తాము ప్రజలకు కరోనా విషయంలో మెరుగైన వైద్యం అందించామన్నారు. తమ ప్రభుత్వం అప్రమత్తంగా ఉండడం వల్లే మరణాలను తగ్గించగలిగామని.. లేదంటే చాలామంది చనిపోయేవారన్నారు. తాము పారదర్శక విధానాలు అవలంబిస్తున్నామన్నారు.. పత్రికల్లో తప్పుడు ప్రచారం వల్లే తనకు చెడ్డపేరు వచ్చిందన్నారు. కరోనాను ఎదుర్కోవడంలో తన పనితీరుకు ప్రసంశలసే నిదర్శనమన్నారు. మందుల ధరలు గణనీయంగా తగ్గాయని గుర్తు చేశారు ట్రంప్. కరోనా వ్యాక్సిన్‌ పంపిణీకి సిద్ధంగా ఉన్నామని.. అన్ని సౌకర్యాలు సిద్ధం చేశామన్నారు. బైడెన్ ఎప్పుడూ 200 అడుగుల ఎదుటివారితో దూరం నుంచే మాట్లాడతారని.. తాను ఇప్పటివరకు చూసిన అతిపెద్ద మాస్క్‌ అన్నారు. అమెరికా సుప్రీంకోర్టు న్యాయమూర్తుల ఎంపికలో వచ్చిన ఆరోపణల్ని బైడెన్ ప్రస్తావించారు. గత ఎన్నికల్లో గెలిచాం కాబట్టే సుప్రీంకోర్టు నియామకాల్లో తమ ప్రభుత్వానికి పూర్తి స్వేచ్ఛ ఉందని స్పష్టం చేశారు. తనను మూడేళ్ల కోసం ఎన్నుకోలేదని ధీటుగా సమాధానం ఇచ్చారు. ట్రంప్ హయాంలో అమెరికా ఆర్థిక వ్యవస్థ పూర్తిగా దెబ్బతిందని బైడెన్ అన్నారు. దీనిపై స్పందించిన ట్రంప్ అమెరికా ఆర్థిక వ్యవస్థ పురోగతి సాధిస్తోందని.. తాము అన్ని పారదర్శక విధానాలే అవలంభిస్తున్నామని చెప్పారు. అధ్యక్ష అభ్యర్థుల చర్చ వాడివేడిగా కొనసాగుతోంది.
By September 30, 2020 at 08:44AM
No comments