వీధుల్లో చల్లే రసాయనాలతో కరోనా పోదు... ఆరోగ్యానికి మరింత ముప్పు: డబ్ల్యూహెచ్ఓ
కరోనా వైరస్‌ను అంతం చేయడానికి సోడియం హైపోక్లోరైడ్‌ను వీధుల్లోనూ, భవంతులపైనా చల్లుతున్న నేపథ్యంలో ప్రపంచ ఆరోగ్య సంస్థ (డబ్ల్యూహెచ్ఓ) కీలక వ్యాఖ్యలు చేసింది. రసాయనాలను చల్లడం ద్వారా అంతం కాదని, పైగా ప్రజల ఆరోగ్యం ప్రమాదంలో పడుతుందని హెచ్చరించింది. ఉపరితలాలను శుభ్రం చేయడం, క్రిమిరహితం చేయడానికి ప్రస్తుతం పాటిస్తున్న విధానాలపై ఓ డాక్యుమెంట్‌ను విడుదల చేసింది. ‘వీధులు, మార్కెట్లు తదితర ఔట్ డోర్ ప్రాంతాల్లో రసాయనాలు చల్లడం, పొగపెట్టడం వంటి చర్యలను మేము సిఫార్సు చేయబోం. ఇది కోవిడ్-19 వైరస్ ఇతర పాథోజన్‌లను సంహరించదు’ అని వెల్లడించింది. వీధులు, ఫుట్ పాత్‌లు కరోనా వైరస్ కు ఆశ్రయం కల్పించే ప్రాంతాలేమీ కాదని, క్రిమిరహితం పేరిట రసాయనాలు చల్లడం వల్ల ప్రజల ఆరోగ్యం దెబ్బతింటుందని పేర్కొంది. రసాయనాలు చల్లడం వల్ల రోగి నోటి నుంచి వచ్చే తుంపరల్లో ఉండే క్రిములు కూడా నాశనం కాబోవని తేల్చి చెప్పింది. ఇది ప్రజల శారీరక, మానసిక ఆరోగ్యంపై తీవ్ర ప్రభావం చూపుతుందని పేర్కొంది. క్రిమిసంహారక టన్నెల్స్ గురించి కూడా డబ్ల్యూహెచ్ఓ గతంలో హెచ్చరికలు చేసింది. ఇవి ఒక సప్లిమెంట్‌ మాదిరిగానే పనిచేస్తాయని, వెంటవెంటనే చేతులు కడుక్కోవడం, మాస్కు ధరించడం, భౌతిక దూరం పాటించడం లాంటి సురక్షితమైన విధానాలకు ప్రత్యామ్నాయం కాబోవని పేర్కొంది. సోడియం హైపోక్లోరైట్‌ సొల్యూషన్‌, క్లోరిన్‌ కాంపౌండ్‌ను ఉపయోగిస్తున్నారు. తాగునీటి శుద్ధి, వ్యర్థ జలాలను శుద్ధజలాలుగా మార్చడంలో, అదేవిధంగా స్విమ్మింగ్‌పూల్‌ల్లో కూడా సోడియం హైపోక్లోరైట్‌నే ఉపయోగిస్తారు. 0.5 (100 ఎంఎల్‌కి) శాతం డబ్ల్యూ/వి ఉండే ద్రావణాన్ని డేకిన్స్‌ సొల్యూషన్‌ (డేకిన్స్‌ ద్రావణం) అంటారు. దీనిని సాంప్రదాయకంగా క్రిమినాశక (యాంటీసెప్టిక్‌) మందుగా అంటే సంక్రమణను నివారించడానికి, గాయాలను శుభ్రపరచడానికి వాడతారు.
By May 17, 2020 at 11:30AM
No comments