తను నా జీవితంలోకి రావడం ఎంతో అదృష్టం.. ఆసక్తికర విషయాలు వెల్లడించిన మంచు లక్ష్మి
నిన్న (మే 10) మాతృ దినోత్సవం సందర్భంగా సినీ సెలబ్రిటీలు పెద్దఎత్తున రియాక్ట్ అయ్యారు. అమ్మను, అమ్మ ప్రేమను గుర్తుచేసుకుంటూ ట్వీట్స్ పెట్టారు సినీ తారలు. ఈ సందర్భంగా కొందరు తల్లులు కూడా బిడ్డపై ప్రేమను కురిపిస్తూ సందేశాలిచ్చారు. ప్రముఖ టీవీ హోస్ట్, నిర్మాత, నటి కూడా తన కూతురుతో ఉన్న అనుబంధాన్ని తెలియజేశారు. ఆంగ్ల మీడియాతో మాట్లాడిన ఆమె విద్యను మొదటిసారి చేతుల్లోకి తీసుకున్న రోజును ఎప్పటికీ మర్చిపోలేనని, ఆ ఆనందాన్ని మాటల్లో వర్ణించలేనని పేర్కొంటూ ఆసక్తికర విషయాలు చెప్పారు. మంచు లక్ష్మి మాట్లాడుతూ.. ''పాప పుడుతుందని నేనెప్పుడూ అనుకోలేదు. కొన్ని కొన్ని కారణాల వల్ల బాబు పుడతాడనుకున్నాను. పాప పుట్టిన వెంటనే తనని చేతుల్లోకి తీసుకున్న క్షణాన్ని ఎప్పటికీ మర్చిపోలేను. ఆ ఆనందాన్ని మాటల్లో వర్ణించలేను. తను నా జీవితంలోకి రావడం ఎంతో అదృష్టంగా భావిస్తున్నాను. నా జీవితానికి అందమైన అర్థాన్ని ఇచ్చింది. విద్యా పుట్టక ముందు.. ప్రతి చిన్న విషయంలో.. ఇలా చేద్దామా? అలా చేద్దామా? అని ఆలోచిస్తూ ఉండేదాన్ని. కానీ తను పుట్టిన తర్వాత ప్రతి విషయంలో నేను చాలా క్లియర్‌గా ఉండడం తెలుసుకున్నాను. అందువల్ల నా జీవితం చాలా సంతోషంగా, ప్రశాంతంగా ఉంది. నేను చెప్పిన ప్రతి మాటను నా కుమార్తె వింటుంది. తనే నా ఏంజెల్‌. నా కుమార్తెకు స్నేహితురాలిగా ఉండాలని నేను భావించడం లేదు. కానీ తనకి ప్రతి విషయంలో మంచి, చెడులు నేర్పించే ఓ తల్లిగా ఉండాలనుకుంటున్నాను'' అని మంచులక్ష్మి తెలిపారు. ఇప్పటికే మంచు లక్ష్మి కూతురు విద్య ప్రేక్షకులందరికీ సుపరిచురితం. చిన్నతనం నుంచే విద్య కెరీర్ పట్ల శ్రద్ద తీసుకుంటున్న మంచు లక్ష్మి.. ఆమెతో ఓ యూట్యూబ్ ఛానెల్ పెట్టించారు. ఈ ఛానెల్ ద్వారా ఇటీవలే తన సింగింగ్ టాలెంట్ బయటపెట్టి అందరి ప్రశంసలు అందుకుంది విద్య. Also read:
By May 11, 2020 at 08:18AM
No comments