ప్యాకేజ్‌పై ఓపెన్ అయిన నాగబాబు.. మీ అన్నకు సమాధానం చెప్పు పవన్ అంటున్న నెటిజన్స్

దేశవ్యాప్తంగా కరోనా (Covid-19) మహమ్మారి మానవజాతిని అతలాకుతలం చేయడంతో.. కేంద్ర ప్రభుత్వం ఈ విపత్కర, క్లిష్ట పరిస్థితి నుండి బయట పడటానికి రూ.20,97,053 కోట్లు (20 లక్షల కోట్లు పైబడి) ఆర్ధిక ప్యాకేజీ ప్రకటించిన విషయం తెలిసిందే. ఆత్మ నిర్భర భారత్ ప్యాకేజీ అంటూ కేంద్ర మంత్రి నిర్మాలా సీతారామన్ విడుదల చేసిన ఈ భారీ మొత్తం అంకెల గారడీ తప్ప ఇంకేం కాదు అంటూ పెద్ద ఎత్తున విమర్శలు వినిపిస్తున్నాయి. వీటిలో ఇప్పటివరకూ విడుదల చేసిన తొలి విడత మొత్తం రూ. 5,94,550 కోట్లు, రెండో విడత రూ. 3,10,000 కోట్లు, మూడో విడత రూ. 1,50,000 కోట్లు, నాలుగు, అయిదు విడతల మొత్తం రూ. 48,100 కోట్లు.. ఇదంతా కలిపితే రూ. 11,02,650 కోట్లు.. అలాగే గరీబ్ కళ్యాణ్ యోజన, ఆర్బీఐ రిలీజ్ ఫండ్ అన్నీ కలిపితే కేంద్ర మంత్రి ప్రకటించిన ఈ అంకె రూ. 20,97,053 కోట్లని లెక్కలు ఇవ్వడంతో ఇది పెద్ద బోగస్ ప్యాకేజ్ అంటూ పెదవి విరుస్తున్నారు ప్రతిపక్ష పార్టీలు. మొత్తానికి ఈ అంకెల లెక్కలు పేదోడి ఆకలి తీరుస్తాయా? అంటే ఆలోచించాల్సిన పరిస్థితి. రూ. 20 లక్షల కోట్లు ప్యాకేజ్ అంటే చిన్న విషయం కాదు. కాని.. అది కేవలం పెద్ద అంకెగా చెప్పుకోవడానికి మాత్రమే తప్ప ప్రజా ప్రయోజనాలకు ఉపయోగపడే అవకాశం కనిపించడం లేదని విమర్శలు గుప్పిస్తున్నారు. కేసీఆర్ అయితే.. కేంద్ర ప్యాకేజీ అంకెల గారడీ.. పెద్ద బోగస్.. దీన్ని అసలు ప్యాకేజీ అంటారా? పచ్చి దగా, మోసం అంటూ కేంద్ర ప్రభుత్వాన్ని సూటిగా ప్రశ్నించారు. ఈ తరుణంలో జనసేన నాయకులు, మెగా బ్రదర్ సైతం స్పందిస్తూ.. రూ. 20 లక్షల కోట్లు ప్యాకేజీ ప్రభావం కనిపించడం లేదు.. ఫలితాల కోసం మనం ఇంకా వేచి చూడాల్సిందేనా? అంటూ ప్రశ్నించారు. అయితే నాగబాబు ప్రశ్నకు నెటిజన్ల నుంచి దిమ్మతిరిగే రియాక్షన్స్ వస్తున్నాయ్.. ‘ గారూ మొన్న ఈ ప్యాకేజ్‌ని పొగిడావు కదా.. మీ అన్న ఏదో అడుగుతున్నాడు ఆన్సర్ ఇవ్వు’ అంటూ సెటైర్లు వేస్తున్నారు.

By May 19, 2020 at 10:10AM

Read More https://telugu.samayam.com/telugu-movies/cinema-news/actor-nagababu-tweet-about-rs-20-lakh-crore-atma-nirbhar-bharat-economic-package/articleshow/75818865.cms