రెండు నెలల పాపపై లైంగిక దాడి... కీచక తండ్రి అరెస్ట్

కన్నకూతురిని కంటికి రెప్పలా కాపాడుకోవాల్సిన తండ్రే కీచకుడిగా మారాడు. అభం శుభం తెలియని రెండు నెలల కూతురిపై అత్యంత పైశాచికంగా ప్రవర్తించాడు. పసిగుడ్డుపై లైంగిక దాడికి యత్నిస్తుండగా తల్లి చూసి పోలీసులకు ఫిర్యాదు చేసింది. అత్యంత పాశవికమైన ఈ ఘటన తమిళనాడులో వెలుగుచూసింది. ఈరోడ్‌ జిల్లా ఆందియూర్‌ సమీపంలోని ఓ గ్రామానికి చెందిన వ్యక్తి(48)కి వివాహమై భార్య, కుమారుడు (11) ఉన్నారు. రెండు నెలల క్రితమే దంపతులకు ఆడబిడ్డ జన్మించింది. గురువారం పాపను జాగ్రత్తగా చూసుకోమని భర్తకు చెప్పి భార్య పనిమీద బయటకు వెళ్లింది. Also Read: ఆమె తిరిగివచ్చే సరికి పాప గట్టిగా ఏడుస్తుండటంతో లోపలికి వెళ్లి చూడగా భర్త చిన్నారిపై లైంగిక దాడికి యత్నిస్తున్నాడు.. దిగ్భ్రాంతికి గురైన ఆమె వెంటనే కూతురిని సమీపంలోని ప్రాథమిక ఆరోగ్య కేంద్రానికి తీసుకెళ్లింది. అక్కడ బాధితురాలిని పరిశీలించిన వైద్యులు సేలం ప్రభుత్వ ఆస్పత్రికి తరలించారు. ప్రస్తుతం పాప పరిస్థితి నిలకడగానే ఉన్నట్లు సమాచారం. అయితే రెండు నెలల కూతురిపై ఇంతటి దారుణానికి పాల్పడిన భర్తపై ఆమె పోలీసులకు ఫిర్యాదు చేసింది. దీంతో పోలీసులు పోక్సో చట్టం కింద కేసు నమోదు చేసి అతడిని అరెస్ట్ చేశారు. Also Read:

By May 29, 2020 at 08:06AM

Read More https://telugu.samayam.com/latest-news/crime/man-arrested-for-raping-on-two-months-old-daughter-in-tamil-nadu/articleshow/76082526.cms