సెక్స్, రేప్‌పై సోషల్ మీడియా గ్రూప్‌లో చర్చ.. బాలుడు ఆత్మహత్య
'బాయ్స్‌ లాకర్‌ రూమ్' ప్రస్తుతం సోషల్ మీడియాలో ఇదో హాట్ టాపిక్‌గా మారింది. ఢిల్లీకి చెందిన నాలుగు ప్రముఖ స్కూళ్లకు చెందిన విద్యార్థులు ఈ గ్రూప్ ను ఏర్పాటు చేసుకున్నారు. ఈ గ్రూప్‌లో దాదాపు 30 మంది ఉన్నారు. అందరూ 17 ఏళ్ల లోపు ఉన్నవారు. వీరంతా కలిసి అమ్మాయిలతో సెక్స్ ఎలా చేయాలి, అమ్మయిలను ఎలా రేప్ చేయాలన్న దానిపై చర్చించుకున్నారు. అమ్మాయిల ఫోటోలు పెడుతూ వీరంతా గ్రూప్‌లో డిస్కషన్స్ చేయడం మొదలు పెట్టారు. అమ్మాయిల న్యూడ్ ఫొటోలను గ్రూపులో పోస్టు చేసి వారిపై అసభ్యకరమైన కామెంట్లు చేశారు. తమ క్లాస్ మేట్స్ను గ్యాంగ్ రేప్ చేయాలని కూడా ప్లాన్ చేశారు. అయితే ఈ గ్రూప్‌లో చాటింగ్ చేసిన 14 ఏళ్ల మైనర్ తన క్లాస్ మేట్ అమ్మాయి పేరు ప్రస్తావిస్తూ... ఫోటోలు కూడా షేర్ చేశాడు. తనకు తెలిసిన అమ్మాయికి చాటింగ్ స్క్రీన్ షాట్లను పంపాడు. అయితే అందులో తన ఫొటోలు కూడా ఉండటంతో ఆ అమ్మాయి స్కూలులో కంప్లయింట్ చేసింది. దీంతో స్కూల్ యాజమాన్యం పోలీసులకు కంప్లయింట్ ఇచ్చింది. విషయం తెలుసుకున్న ఆ గ్రూపు సభ్యులు.. తమ వివరాలను వెల్లడించిన అమ్మాయి, ఆమెకు సహకరించిన ఇతర మహిళల నగ్న చిత్రాలు వైరల్ చేస్తామంటూ బెదిరింపులకు దిగారు. ఇంతలో తోటి విద్యార్థులు ఫోన్ చేసి, పోలీసులకు విషయం తెలిసిపోయిందని, వారు వస్తున్నారని హెచ్చరించడంతో భయపడిన బాలుడు తాను ఉంటున్న నివాసంలోనే ఆత్మహత్యకు పాల్పడ్డాడు. తాను నివసిస్తున్న భవంతి 11వ అంతస్తు నుంచి కిందకు దూకి ఆత్మహత్య చేసుకున్నాడని పోలీసులు చెప్పారు. విషయం తెలుసుకున్న పోలీసులు, ఘటనా స్థలికి వెళ్లగా, ఎటువంటి సూసైడ్ నోట్ లభించలేదు. అంతకుముందు భవనం కింద పెద్ద శబ్దం వినిపించడంతో స్థానికులు వెళ్లి చూడగా, బాలుడు రక్తపు మడుగులో పడివున్నాడు. అతన్ని హుటాహుటిన ఆసుపత్రికి తరలించినా, ఫలితం లేకపోయింది. అప్పటికే అతను చనిపోయాడని డాక్టర్లు తెలిపారు. ఈ ఘటనపై ఐపీసీ సెక్షన్ 174 కింద కేసు నమోదు చేసి దర్యాప్తు చేస్తున్నామని పోలీసు అధికారి దీపక్ కుమార్ మీడియాకు వెల్లడించారు. ఇప్పటికే ఓ స్టూడెంట్‌ను కూడా అరెస్ట్ చేశారు. అతడి ఫోన్ను సీజ్ చేశారు. గ్రూప్ను డీయాక్టివేట్ చేశారు. ఇన్స్టాగ్రామ్, ట్విట్టర్లో ఈ స్క్రీన్ షాట్లు వైరల్ అయ్యాయి. '' హాష్ట్యాగ్ సోషల్ మీడియాలో ట్రెండ్ అయింది.
By May 06, 2020 at 08:36AM
No comments