కరోనా కట్టడి వ్యూహంలో ప్రపంచ దేశాధినేతలకు అందనంత ఎత్తున మోదీ
![](https://blogger.googleusercontent.com/img/b/R29vZ2xl/AVvXsEhr2RcoK5Nf9NTRnPrStQ3-ZEfWwNyAVOOY6PB6ANhCKZnZochRr_RqPaaDi69eUIGsDRKvoByMaFr3cDoUjes5s8YnYK1JmNBBqqCvhrWe7EYyAph699mJoYmlAtAa9N1iUdMDhRpkjdA/s1600/telugu+news.png)
![](https://telugu.samayam.com/photo/75286321/photo-75286321.jpg)
ముందుచూపుతో వ్యవహరించి వ్యాప్తి నియంత్రణ చర్యలను పకడ్బంధీగా చేపట్టడంలో భారత ప్రధానమంత్రి నరేంద్ర మోదీ.. ప్రపంచాధినేతలకు అందనంత ఎత్తున నిలిచారు. వీడీపీ అసోసియేట్స్ ఈ విషయాన్ని ట్విట్టర్ ద్వారా వెల్లడించింది. ప్రపంచ వ్యాప్తంగా పోలింగ్ సేవలను అందిస్తున్న 'మార్నింగ్ కన్సల్ట్' తాజాగా నిర్వహించిన సర్వే తరువాత, దేశ ప్రధానులు, అధ్యక్షుల ర్యాంకింగ్స్ ప్రకటించిందని పేర్కొంది. ఈ ర్యాంకింగ్స్ ప్రకారం 68 పాయింట్లతో అగ్రస్థానంలో నిలిచారు. మెక్సికో అధ్యక్షుడు లోపేజ్ ఒబ్రాడర్కు 36, యూకే ప్రధాని జాన్సన్కు 35, ఆస్ట్రేలియా ప్రధాని మోరిస్కు 26 పాయింట్లు దక్కాయి. ఇక, అమెరికా అధ్యక్షుడు డొనాల్డ్ ట్రంప్నకు ఈ విషయంలో మైనస్ మార్కులు లభించడం విశేషం. ట్రంప్ మైనస్ 3 పాయింట్లు దక్కించుకున్నారు. ఈ జాబితాలో కెనడా ప్రధాని జస్టిస్ ట్రూడో 21, జర్మనీ ఛాన్సెలర్ ఎంజెలా మెర్కెల్ 16, బ్రెజిల్ అధ్యక్షుడు బోల్సోనొరా 8 పాయింట్లతో ఉన్నారు. ఫ్రాన్స్ అధ్యక్షుడు ఇమ్యూనుయేల్ మెక్రాన్ మైనస్ 21, జపాన్ ప్రధాని షింజో అబే మైనస్ 33 పాయింట్లతో నిలిచారు. కరోనా వైరస్ నియంత్రణకు ప్రధాని మోదీ సరైన సమయంలోనే లాక్డౌన్ నిర్ణయం తీసుకున్నారు. ఈ నిర్ణయంపై ప్రపంచ ఆరోగ్య సంస్థ సైతం ప్రశంసలు కురిపించింది. అధిక జనాభా కలిగిన దేశంలో లాక్డౌన్ నిబంధనలు ఎలా అమలు చేస్తారనే అనుమానాలను భారతీయులు పటాపంచలు చేశారు. ప్రధాని పిలుపు మేరకు ఇళ్ల నుంచి జనం బయటకు రావడంలేదు. మరోవైపు, పేదలు, చిన్నతరహా పరిశ్రమలను ఆదుకోడానికి ఆర్ధిక ప్యాకేజీని మోదీ ప్రకటించి, వారికి ఇబ్బంది లేకుండా చేశారు. ప్రపంచ దేశాల పెద్దన్న... అమెరికా పలు దేశాల సమస్యలని తమకున్న బలంతో చాలా సునాయాసంగా ఎదుర్కొంది. కానీ కరోనా దెబ్బకి అతలాకుతలం అవుతుంది. అత్యంత శక్తివంతమైన దేశంగా గుర్తింపు పొందిన అమెరికా.. కరోనా వైరస్ను నియంత్రించడంలో విఫలమవడానికి అధ్యక్షుడు ట్రంప్ వైఖరే కారణమని విమర్శలు వెల్లువెత్తుతున్నాయి. న్యూయార్క్ రాష్ట్రంలో కేసుల సంఖ్య చేదాటిపోయినంత వరకు అక్కడ లాక్ డౌన్ ప్రకటించ లేదు. ట్రంప్ క్వారెంటైన్ నిర్ణయానికి న్యూయార్క్, న్యూజెర్సీ గవర్నర్ల నుంచి వ్యతిరేకత రావడంతో అది అమలు కాలేదు.
By April 22, 2020 at 10:49AM
No comments