తెలుగు మ్యూజిక్ డైరెక్టర్ను ఫాలో అవుతున్న పవన్... ఎగిరి గంతేసిన తమన్
పవర్ స్టార్ పవన్ కల్యాణ్... ఆయనకు ఉన్న క్రేజ్ అంతా ఇంత కాదు. పవన్ ఏం చేసినా అదే న్యూసే. సినిమాలు చేసినా... రాజకీయాలు నడిపినా వెంటనే హాట్ టాపిక్గా మారిపోతుంది. అయితే పవర్ స్టార్ చాలా విషయాల్లో అందరికంటే చాలా డిఫరెంట్గా చేస్తాడు. పవన్ కళ్యాణ్కు సోషల్ మీడియాలో ఉన్న ఫాలోయింగ్ గురించి వేరేగా చెప్పాల్సిన పనిలేదు. పవన్ కల్యాణ్ని ట్విట్టర్లో 39 లక్షలమంది ఫాలో అవుతున్నారు. అయితే ఆయన మాత్రం కేవలం 33మందిని మాత్రమే ట్విట్టర్లో ఫాలో అవుతున్నాడు. అందులో సినీ ఇండస్ట్రీకి చెందిన వారు చాలా తక్కువమంది ఉన్నారు. ఇటీవలే సోషల్ మీడియాలో చేరిన తన అన్నయ్య మెగాస్టార్ చిరంజీవితో పాటు, రామ్ చరణ్, సాయిధరమ్ తేజ్, బాలీవుడ్ బిగ్ బీ అమితాబ్ బచ్చన్ను పవన్ ఫాలో అవుతున్నారు. మిగతా వాళ్లంతా రాజకీయ ప్రముఖ నాయకులే ఉన్నారు. ప్రధాని మోదీ, రాష్ట్రపతి రామ్ నాథ్ కోవింత్, బీజేపీ జాతీయ అధ్యక్షుడు జేపీ నడ్డా, అమిత్ షా , నిర్మల సీతారామన్, ఆర్బీఐ గవర్నర్ శక్తికాంత్ దాస్, తమిళనాడు సీఎం పళనిస్వామి, తెలంగాణ మంత్రి కేటీఆర్తో పాటు మరికొందరు ప్రముఖుల్ని పవన్ ఫాలో అవుతున్నారు. అయితే తాజాగా పవన్ లిస్టులో ప్రముఖ సంగీత దర్శకుడు తమన్ చేరాడు. పవన్ లేటెస్ట్గా తమన్ను ట్విట్టర్లో ఫాలో అవ్వడం ప్రారంభించారు. ఈ విషయాన్ని స్వయంగా తమన్ తన ట్విట్టర్ ద్వారా తెలిపాడు. ఓ ఫ్యాన్కు ఇది చాలా పెద్ద గొప్ప విషయం ... ఇవాల్టి నా రోజు చాలా గొప్పగా ప్రారంభమైంది సార్.. చాలా కృతజ్ఞతలు లవ్ యూ సార్’ అంటూ తమన్ ట్వీట్ చేశాడు. దీంతో తమన్ ట్వీట్ ఇప్పుడు సోషల్ మీడియాలో వైరల్ అవుతోంది. అతడకి కంగ్రాట్స్ చెబుతున్నారు నెటిజన్లు. అటు పవన్ అభిమానులతో పాటు.. ఇటు తమన్ ఫ్యాన్స్ సైతం శుభకాంక్షలతో వెల్లువెత్తుతున్నారు.
By April 04, 2020 at 10:43AM
No comments