పుట్టింట్లో ఇరుక్కుపోయిన భార్య.. కోపంతో మాజీ ప్రియురాలిని పెళ్లాడిన భర్త
కరోనా వైరస్‌ను కట్టడి చేసేందుకే సుమారు నెల రోజులుగా దేశవ్యాప్తంగా కొనసాగుతున్న లాక్‌డౌన్‌‌తో ప్రజలంతా తీవ్ర ఇబ్బందులు పడుతున్నారు. రవాణా సౌకర్యాలు లేక ఎక్కడివారు అక్కడే నిలిచిపోయారు. ఇలాంటి సమయంలో కొన్నిచోట్ల విచిత్ర ఘటనలు చోటుచేసుకుంటున్నాయి. పుట్టింటికి వెళ్లిన భార్య లాక్ డౌన్ కారణంగా తిరిగి రాలేకపోతుండటంతో ఆగ్రహించిన భర్త రెండో పెళ్లి చేసుకుని ఆమెకు షాకిచ్చాడు. ఈ ఘటన బీహార్‌లోని పాలిగంజ్‌‌లో జరిగింది. పాలిగంజ్‌కు చెందిన ధీరజ్ కుమార్ అనే యువకుడికి కొన్ని నెలల క్రితం దుల్ హిన్ బజార్‌లో నివాసముంటున్న ఓ యువతితో వివాహం జరిగింది. వీరి కాపురం సాఫీగా సాగిపోతోంది. తల్లిదండ్రుల మీద బెంగతో ఆ యువతి నెల రోజుల క్రితం పుట్టింటికి వెళ్లింది. Also Read: కొద్దిరోజుల తర్వాత తిరిగి అత్తింటి వెళ్లేందుకు ఏర్పా్ట్లు చేసుకోగా.. అప్పటికే లాక్‌డౌన్ అమల్లోకి రావడంతో ఆమె ప్రయాణం వాయిదా పడింది. అయితే వెంటనే తన దగ్గరకు రావాలని ధీరజ్ భార్యను ఎన్నోసార్లు హెచ్చరించాడు. అయినప్పటికీ రవాణా సౌకర్యం లేక ఆమె భర్త వద్దకు వెళ్లలేకపోయింది. నా దగ్గరకు వస్తావా? లేక జీవితాంతం అక్కడే ఉండిపోవాతా? అంటూ భర్త గట్టిగా హెచ్చరించడంతో ఓ రోజు బంధువుతో కలిసి బైక్‌పై బయలుదేరింది. అయితే వారిని పోలీసులు మార్గమధ్యలోనే అడ్డగించి తిరిగి వెనక్కి పంపించేశారు. Also Read: దీంతో భార్యపై కోపం పెంచుకున్న ధీరజ్ రెండ్రోజుల క్రితం తన మాజీ ప్రేయసిని రహస్యంగా పెళ్లాడి కాపురం పెట్టేశాడు. ఈ విషయం భార్యకు తెలియడంతో ఆమె షాకైంది. దీంతో తనను మోసం చేసిన ధీరజ్ కుమార్‌పై ఆమె స్థానిక పోలీసులకు ఫిర్యాదు చేసింది. దీంతో వారు అతడిని అదుపులోకి తీసుకుని విచారించగా.. తన వద్దకు రావాలని భార్యను ఎన్నిసార్లు హెచ్చరించినా పట్టించుకోలేదని, ఆమెపై కోపంతోనే రెండో పెళ్లి చేసుకున్నానని ధీరజ్ పోలీసులకు చెప్పాడు. దీంతో పోలీసులు అతడిపై కేసు నమోదు చేసి అరెస్ట్ చేశారు.
By April 19, 2020 at 07:05AM
No comments