రంజాన్ ముగిసే వరకూ లాక్‌డౌన్ పొడిగించండి.. ప్రధానికి హైదరాబాద్ ఉర్దూ వర్సిటీ ఛాన్సలర్ లేఖ
ముగిసేవరకూ లాక్‌డౌన్ పొడిగించాలని కోరుతూ హైదరాబాద్‌లో మౌలానా ఆజాద్ నేషనలల్ ఉర్దూ యూనివర్సిటీ ఛాన్సెలర్ .. ప్రధాని నరేంద్ర మోదీకి లేఖ రాశారు. మే 24 వరకూ లాక్‌డౌన్ ఎత్తివేయవద్దని.. ఒకవేళ మే 3న లాక్‌డౌన్ ముగిస్తే దేశంలో కరోనా వైరస్ తీవ్రత పెరుగుతుందని లేఖలో పేర్కొన్నారు. దీంతో ముస్లింలు ఉత్సాహంగా విందులు, ప్రార్థనల్లో భారీగా పాల్గొంటారని, మార్కెట్ల‌కు పెద్ద ఎత్తున్న వెళ్తారని అన్నారు. దీని వల్ల కరోనా వైరస్ ఒక్కసారిగా తీవ్రమవుతుందని, క్లస్టర్లు పెరిగిపోతాయని ఆందోళన వ్యక్తం చేశారు. మే 3న లాక్‌డౌన్ ఎత్తివేస్తే ప్రజల ప్రాణాలే ముఖ్యమన్న ప్రభుత్వం, ప్రధాని సూచనలు వృథా అవుతాయని అన్నారు. ఇది ముస్లిం సమాజం.. జాతీయత, మానవత్వం పట్ల నా చాలా వినయపూర్వకమైన విజ్ఞ‌ప్తి అని లేఖలో వివరించారు. దేశవ్యాప్తంగా క్వారంటైన్‌లో ఉన్న తమ వర్గానికి చెందిన కొందరు వైద్యులు, నర్సులు, ఆరోగ్య కార్యకర్తలు, పోలీసులు, సఫాయి కర్మచారిలపై దాడులకు పాల్పడటం హేయమైన చర్య అని, దీనికి వారి తరఫున తాను క్షమాపణలు కోరుతున్నానని అన్నారు. కరోనా చికిత్సకు సహకరించకుండా హాస్పిటల్‌లో సిబ్బంది ముఖ్యంగా నర్సుల పట్ల అసభ్యంగా ప్రవర్తించడం, వారిపై ఉమ్మేయడం.. వైద్యులను మెడపట్టి గెంటేయడం, మూత్రం బాటిళ్లను విసిరేయడం లాంటి చర్యలు చాలా సిగ్గుచేటుని, అవమానంతో తలదించుకునేలా చేస్తోందని.. వీటిని తీవ్రంగా ఖండిస్తున్నామని అన్నారు. రంజాన్ మాసం సమీపిస్తున్న తరుణంలో సామూహిక ప్రార్థనలు (నమాజ్‌లు) వద్దని కేంద్రం సూచించిన విషయం తెలిసిందే. ప్రతీ ఒక్కరు కరోనా వైరస్ పట్ల అప్రమత్తంగా ఉండాలంటే రంజాన్ ప్రార్థనల్లోను సామాజిక దూరం పాటించడం తప్పనిసరి అని పేర్కొంది. ఈ మేరకు దేశంలోని అన్ని వక్ఫ్ బోర్డులు పరిస్థితిలో తీవ్రతను, ప్రజారోగ్యాన్ని, ముస్లింల ప్రాణాలను దృష్టిలో వుంచుకుని చర్యలు తీసుకోవాలని కేంద్ర హోం శాఖ వక్ఫ్ బోర్డులకు వివరించింది. అన్ని రాష్ట్రాల వక్ఫ్ బోర్డు అధికారులతో వీడియో కాన్ఫరెన్స్ సమావేశం నిర్వహించింది కేంద్రం. ఇందులో తీసుకున్న నిర్ణయాలను వెలువరించారు అధికారులు.
By April 19, 2020 at 08:28AM
No comments