దిశ ఘటన జరిగిన సమీపంలో గుర్తు తెలియని మహిళ మృతదేహం
హైదరాబాద్ శివారులో దిశ ఘటన జరిగిన సమీపంలోనే మరో మహిళ మృతదేహం కనిపించడం కలకలంరేపింది. శనివారం ఉదయం పక్కన ఒక మహిళ మృతదేహం పడి ఉంది. ఆ మహిళ మృతదేహాన్ని చూసిన స్థానికులు వెంటనే పోలీసులకు సమాచారం ఇచ్చారు. మహిళ మృతదేహంపై గాయాలు ఉన్నాయి, తలపైన బలమైన గాయాలు ఉన్నట్లు పోలీసులు గుర్తించారు. మహిళ చనిపోయిన తీరును బట్టి చూస్తే హత్యగా అనుమానిస్తున్నారు. ఆమె ఎవరు.. ఏంటి అన్న వివరాలపై ఆరా తీస్తున్నారు. మహిళ డెత్ మిస్టరీపై రైల్వే పోలీసులతో పాటూ షాద్‌గనర్ పోలీసులు దర్యాప్తు చేస్తున్నారు. దిశ ఘటన జరిగిన సమీపంలోనే ఈ హత్య జరగడం ఇప్పుడు సంచలనంగా మారింది. హైదరాబాద్ శివారులో శంషాబాద్‌లో వెటర్నరీ డాక్టర్ దిశ హత్యాచారం కేసు దేశవ్యాప్తంగా సంచలనం రేపిన సంగతి తెలిసిందే. హైదరాబాద్ శివారులోని తొండుపల్లి టోల్‌గేట్ సమీపంలో గతేడాది నవంబర్ 27న వెటర్నరీ డాక్టర్ దిశ బైక్‌కు పంచ్ చేసిన నలుగురు నిందితులు డ్రామా ఆడారు. ఆ తర్వాత ఆమెను బలవంతంగా తీసుకెళ్లి అత్యాచారానికి ఒడిగట్టి.. కిరాతకంగా సజీవ దహనం చేశారు. ముందు అనుమానాస్పద మృతిగా కేసు నమోదు చేసిన పోలీసులు.. మరుసటి రోజే కేసును చేధించారు.. నలుగురు నిందితుల్ని అరెస్ట్ చేశారు. ఈ ఘటన తర్వాత తెలుగు రాష్ట్రాలతో పాటూ దేశవ్యాప్తంగా నిరసనలు జరిగాయి. నిందితుల్ని కఠినంగా శిక్షించాలంటూ మహిళా సంఘాలు ఆందోళనలు చేశాయి. తర్వాత కొద్దిరోజులకు ఎన్‌కౌంటర్‌లో నలుగురు నిందితులు చనిపోయారు. సీన్ రీ కన్సట్రక్షన్ కోసం తీసుకెళ్లిన సమయంలో పోలీసులపై నిందితులు దాడి ప్రయత్నించడంతో కాల్పులు జరిపారు. ఈ ఎన్‌కౌంటర్ వ్యవహారంపై సుప్రీంకోర్టులోనూ విచారణ జరుగుతోంది.
By April 18, 2020 at 10:44AM
No comments