ప్రపంచవ్యాప్తంగా 25 లక్షలకు చేరువలో కరోనా కేసులు
![](https://blogger.googleusercontent.com/img/b/R29vZ2xl/AVvXsEhr2RcoK5Nf9NTRnPrStQ3-ZEfWwNyAVOOY6PB6ANhCKZnZochRr_RqPaaDi69eUIGsDRKvoByMaFr3cDoUjes5s8YnYK1JmNBBqqCvhrWe7EYyAph699mJoYmlAtAa9N1iUdMDhRpkjdA/s1600/telugu+news.png)
![](https://telugu.samayam.com/photo/75262936/photo-75262936.jpg)
ప్రపంచ వ్యాప్తంగా జనాల్ని పట్టి పీడిస్తున్న సమస్య ఇదే. అనేక దేశాల్లోఈ వైరస్ పంజా విసురుతోంది. ఈ వైరస్ ధాటికి కొన్ని దేశాలు చిగురుటాకులా వణికిపోతున్నాయి. మరికొన్నిచోట్ల మృత్యు ఘంటికలు మోగుతూనే ఉన్నాయి. ప్రపంచ వ్యాప్తంగా ఇప్పటి వరకు కరోనాతో 1,70,423 మంది చనిపోయారు. కరోనా పాజిటివ్ కేసుల సంఖ్య 24.80 లక్షలకు చేరుకుంది. ఈ వైరస్ నుంచి 6,46,675 మంది కోలుకుని డిశ్చార్జి అయ్యారు. మరోవైపు అగ్రరాజ్యం అమెరికాను కరోనా మహమ్మారి వణికిస్తోంది. అమెరికాలో కరోనా బాధితుల సంఖ్య 7 లక్షల 92 వేలు దాటింది. అమెరికాలో ఇప్పటి వరకు కరోనాతో 42,514 మంది మృతి చెందారు. అమెరికాలో నిన్న ఒక్కరోజే 1939 మంది ప్రాణాలు కోల్పోయారు. ఇక స్పెయిన్లో 20,852, ఇటలీలో 24,114, ఫ్రాన్స్లో 20,265, యూకేలో 16,509, జర్మనీలో 4,862, ఇరాన్లో 5,209, టర్కీలో 2,140, బ్రెజిల్లో 2,587, బెల్జియంలో 5,828, కెనడాలో 1,690, నెదర్లాండ్స్లో 3,751, స్విట్జర్లాండ్లో 1,429 మంది ప్రాణాలు కోల్పోయారు. మరోవైపు భారత్లో కూడా పెరుగుతోంది. ప్రస్తుతం పాజిటివ్ కేసుల సంఖ్య 17656కి చేరింది. వాటిలో 2842 కేసుల్లో రికవరీ అయ్యారు. మృతుల సంఖ్య 559గా ఉంది. దేశంలోని 6 రాష్ట్రాలు నిబంధనలు ఎక్కువగా సడలించడంపై నిన్న కేంద్రం ఫైర్ అయ్యింది. మళ్లీ కరోనా పెరిగే ప్రమాదం ఉందని ఆ రాష్ట్రాల్ని హెచ్చరించింది. ఇటు తెలుగు రాష్ట్రాల్లో కూడా కరోనా కలకలం రేపుతోంది తెలంగాణలో సోమవారం 14 కొత్త కేసులు వచ్చాయి. ఇద్దరు చనిపోయారు. ప్రస్తుతం మొత్తం కేసుల సంఖ్య 872గా ఉంది. ఇందులో 186 మంది డిశ్చార్జి అయ్యారు. 23 మంది మరణించారు. అటు ఏపీలో కూడా కరోనా కేసుల సంఖ్య విపరీతంగా పెరిగిపోతుంది. సోమవారం ఒక్క రోజే 75 కరోనా కొత్త కేసులు నమోదయ్యాయి. మొత్తం పాజిటివ్ కేసుల సంఖ్య 722కు చేరింది. అందులో 92 మంది డిశ్చార్జి అయ్యారు. 20 మంది చనిపోయారు.
By April 21, 2020 at 07:51AM
No comments