లారెన్స్ తమ్ముడిపై యువతి లైంగిక ఆరోపణలు.. దానికి ఒప్పుకోలేదనే అంటూ
ప్రేమ పేరుతో వంచనలు సినిమా ఇండస్ట్రీలో తరచూ కనిపిస్తూనే ఉన్నాయి. క్యాస్టింగ్ కౌచ్ ఉదతంపై పెద్ద ఎత్తున నిరసలు జరిగినప్పటికీ కూడా ఎవరో ఒకరు ఈ క్యాస్టింగ్ కౌచ్ ఉచ్చులో చిక్కుకుంటూనే ఉన్నారు. తాజాగా తమ్ముడు ఎల్విన్ అలియాస్ వినోద్ (విన్నీ) తనను వేధిస్తున్నాడంటూ.. టాలీవుడ్ సైడ్ డాన్సర్, జూనియర్ ఆర్టిస్ట్ దివ్య (19) ప్రముఖ ఛానల్ను ఆశ్రయించింది. ఈ సదర్భంగా లారెన్స్ తమ్ముడు తనను మోసం చేసి వేధింపులకు గురిచేస్తున్నాడంటూ షాకింగ్ విషయాలను బయటపెట్టింది. లారెన్స్ తమ్ముడు విన్నీ ప్రేమను తిరస్కరించినందుకు తనను వేధింపులకు గురిచేశాడంటూ వరంగల్కు చెందిన దివ్య అనే యువతి మీడియా కెక్కడం సినీ వర్గాల్లో హాట్ టాపిక్ అవుతోంది. ఈ వేధింపులను తట్టుకోలేక హైదరాబాద్ వెస్ట్ మారేడ్పల్లి పోలీసుకులకు ఫిర్యాదు చేస్తే.. సీఐతో కుమ్మక్కై తనపై తప్పుడు కేసు పెట్టి జైలుకు కూడా పంపారని ఆరోపిస్తోంది ఆ యువతి. జైలు నుండి విడుదలైన తరువాత కూడా వేధింపులు ఆగలేదని.. తనపై లారెన్స్ తమ్ముడు వినోద్ అతని అనుచరులు ఎక్కడికి వెళ్లినా తనను వెంటపడుతూ తనను చంపేందుకు కుట్ర చేస్తున్నారంటూ తీవ్ర ఆరోపణలు చేసింది దివ్య. ఈ విషయంలో తెలంగాణ ముఖ్యమంత్రి కేసీఆర్ కల్పించుకుని తనకు రక్షణ కల్పించాలని కోరుతోంది ఆర్టిస్ట్ దివ్య. పోలీసులకు తీవ్ర ఆరోపణలు.. తనపై కక్షసాధింపు చర్యల్లో పోలీసులు లారెన్స్ తమ్ముడితో కుమ్మక్కయ్యారని ఆరోపిస్తోంది దివ్య. ఏసీపీ రవీందర్ రెడ్డి తనపై బ్రోతల్ కేసు పెట్టి 21 రోజులు జైలుకు పంపారని, విచారణ పేరుతో లాడ్జిలకు రమ్మని నీచంగా మాట్లాడేవారంటూ వాపోయింది దివ్య. స్టేషన్కి పిలిచి తెల్లకాగితంపై బలవంతంగా సంతకం చేయించుకుని తనపై బ్రోతల్ కేసు పెట్టారు. గాంధీ హాస్పటల్కి తీసుకుని వెళ్లి ఏవేవో తప్పుడు పరీక్షలు జరిపించి జైలుకు పంపారంటూ తీవ్ర ఆరోపణలు చేసింది దివ్య. ఇన్ని చేసినా తనవైపును పోరాడటానికి ఎవరూ లేకపోవడంతో రహస్యంగా తలదాచుకుంటున్నా.. లారెన్స్ తమ్ముడి నుండి వేధింపులు ఆగలేదని ఎక్కడకు వెళ్లినా వెంటాడి వేధిస్తున్నారని తనకు ప్రాణ రక్షణ కల్పించాలని కేసీఆర్ను వేడుకుంటోంది దివ్య. అయితే దివ్యకు లారెన్స్ తమ్ముడు ఎల్విన్కి పాతగొడవలు ఉన్నాయని.. దీంట్లో పోలీసులపై తప్పుడు ఆరోపణలు చేస్తోందంటూ వివరణ ఇచ్చారు ఏసీపీ రవీందర్ రెడ్డి.
By March 07, 2020 at 12:17PM
No comments