‘ఎన్పీఆర్పై అపోహలు వద్దు.. ఎలాంటి డాక్యుమెంట్లు ఇవ్వక్కర్లేదు’
(ఎన్పీఆర్)పై కేంద్ర ప్రభుత్వం పార్లమెంట్లో స్పష్టత ఇచ్చింది. ఎన్పీఆర్ కోసం ఎటువంటి పత్రాలను అందజేయాల్సిన అవసరం లేదని కేంద్ర హోం మంత్రి అమిత్ షా పేర్కొన్నారు. ఎవర్నీ అనుమానితులు (డౌట్ఫుల్ -డి)గా ప్రకటించబోమని ఆయన స్పష్టం చేశారు. ఢిల్లీ హింసపై గురువారం రాజ్యసభలో స్వల్పకాలిక చర్చకు సమాధానం ఇచ్చిన .. ఎన్పీఆర్ కోసం ఏ పత్రాలూ ఇవ్వాల్సిన అవసరం లేదన్నారు. ప్రజలు వారి దగ్గర ఏ సమాచారం ఉంటే అది ఇస్తే సరిపోతుందని, మిగతా ప్రశ్నలను ఖాళీగా వదిలేయొచ్చని వివరించారు. ఎన్పీఆర్లోని‘డి’అనే క్యాలమ్ను తొలగిస్తారా? అని కాంగ్రెస్ సభ్యుడు కపిల్ సిబల్ ప్రశ్నించగా... ఎన్పీఆర్ గురించి ఎవరూ భయపడాల్సిన అవసరం లేదని, ఈ ప్రక్రియలో ఎవర్నీ అనుమానితులుగా మార్కు చేయబోమని షా సమాధానం ఇచ్చారు. ఎన్పీఆర్ ప్రక్రియను చేపట్టబోమని ఇప్పటికే పలు రాష్ట్రాలు ప్రకటించిన తెలిసిందే. ఎన్పీఆర్లో ప్రశ్నలకు సమాధానాలు ఇవ్వకపోతే ఆ ఇళ్లకు ‘డి’ ముద్ర వేస్తారన్న భయాలూ ఉన్నాయి. ఢిల్లీలో హింస, అల్లర్లకు బాధ్యులైవారిని కులం, మతం, రాజకీయ పార్టీలతో సంబంధం లేకుండా శిక్షిస్తామని ఉద్ఘాటించారు. విధ్వంసానికి పాల్పడిన 1,922 మందిని ఫేషియల్ ఐడెంటిఫికేషన్ సాఫ్ట్వేర్ ద్వారా గుర్తించామని, వారి నుంచి నష్ట పరిహారం రాబడతామన్నారు. ఎన్పీఆర్పై ఎలాంటి సందేహాలు ఉంటే రాజ్యసభలో ప్రధాన ప్రతిపక్ష నేత గులామ్ నబీ అజాద్ నేతృత్వంలోని విపక్షాలు తనను కలసి చర్చించవచ్చని అన్నారు. కేంద్ర హోం మంత్రి సమాధానంపై విపక్షాలు మాత్రం పెదవి విరిచాయి. ఎలాంటి డాక్యుమెంట్లను అడగబోరని కేంద్ర మంత్రి చెప్పడం సబబుగా లేదని, దీని వల్ల ఎలాంటి ప్రయోజనం ఉంటుందని కాంగ్రెస్ నేత కపిల్ సిబల్ వ్యాఖ్యానించారు. మరోవైపు, బీజేపీ సంకీర్ణ ప్రభుత్వం అధికారంలో ఉన్న బీహార్, మిత్రపక్షం అన్నాడీఎంకే అధికారంలో ఉన్న తమిళనాడు సహా పలు రాష్ట్రాలు ఎన్పీఆర్ను వ్యతిరేకిస్తున్నాయి. పౌరసత్వ సవరణ చట్టం, , ఎన్పీఆర్లను ఉమ్మడిగా అమలుచేసి దేశంలోని వేలాది మంది ముస్లింలను వెళ్లగొట్టడానికే బీజేపీ ప్రభుత్వం ప్రయత్నిస్తోందని ప్రతిపక్షాలు ఆరోపిస్తున్నాయి. మత ప్రాతిపదికన భారత పౌరసత్వం కల్పించడమేంటని సీఏఏను వ్యతిరేకిస్తున్నాయి.
By March 13, 2020 at 11:44AM
No comments