తమిళనాడులో మహిళా టీచర్ ఆత్మహత్య.. విషాదంలో తెలుగువారు

తమిళనాడులో మహిళా టీచర్ ఆత్మహత్యకు పాల్పడటం కలకలం రేపింది. ఓ ప్రైవేటు కాలేజీలోని క్లాస్‌రూమ్‌లో ఫ్యాన్‌కు వేలాడుతున్న ఆమెను స్టాఫ్ గుర్తించి పోలీసులకు సమాచారం ఇచ్చారు. ఆమె చేతి మణికట్టు భాగంలో కత్తి గాటు ఉండడం పలు అనుమానాలకు దారి తీస్తోంది. తిరువళ్లూరు జిల్లా కారంబాక్కం తాలుకా ఎల్లయమ్మన్‌ ఆలయం వీధికి చెందిన హరి శాంతి(32) తెలుగు కుటుంబానికి చెందిన యువతి. మద్రాసు వర్సిటీ తెలుగు విభాగంలో ఎంఏ, ఎంఫిల్, పీహెచ్‌డీ పూర్తి చేసిన ఆమె పూందమల్లి హైరోడ్డులోని డీజీ వైష్ణవ కళాశాలలో అసిస్టెంట్‌ ప్రొఫెసర్‌గా కొంత కాలం పని చేశారు. తర్వాత అక్కడ ఉద్యోగం మానేసి ప్రస్తుతం పెరంబూరులోని ప్రభుత్వ ఉన్నత పాఠశాలలో తెలుగు టీచర్‌గా పనిచేస్తున్నారు. డీజీ వైష్ణవ కాలేజీలో ఉద్యోగం మానేసినప్పటికీ హరిశాంతి అప్పుడప్పుడూ అక్కడికి వెళ్లి వస్తుండేవారు. ఈ క్రమంలోనే బుధవారం ఆమె క్లాస్‌రూమ్‌లో వేలాడుతూ కనిపించింది. Also read: ఈ ఘటనపై సమాచారం అందుకున్న పోలీసులు కాలేజీకి చేరుకుని మృతదేహాన్ని కిందకు దించి పరిశీలించగా ఆమె ఎడమ చేతి మణికట్టుకు కత్తి, బ్లేడుతో కోసినట్టుగా గాటు కనిపించింది. దీంతో అనేక అనుమానాలు వ్యక్తమవుతున్నాయి. అయితే కాలేజీలో పనిచేస్తున్న సమయంలో నటరాజన్ అనే లెక్చరర్‌తో ఆమెకు లవ్‌ అఫైర్‌ ఉందని తెలియడంతో పోలీసులు ఆ కోణంలో దర్యాప్తు చేపట్టారు. మంగళవారం కూడా ఆమె నటరాజ్‌ను కలవడానికే వచ్చి తిరిగి వెళ్లకపోవడం అనుమానాలకు దారి తీస్తున్నాయి. పోలీసులు ఆమె మృతదేహాన్ని పోస్టుమార్టం నిమిత్తం కీల్పాకం ఆస్పత్రికి తరలించారు. తమ కుమార్తె మరణ సమాచారాన్ని అందుకున్న తల్లిదండ్రులు హుటాహుటిన చెన్నైకు చేరుకుని కన్నీటి సంద్రంలో మునిగిపోయారు Also read: మద్రాసు వర్సిటీలో చదువుకుంటున్న సమయంలో, అసిస్టెంట్‌ ప్రొఫెసర్‌గా, టీచర్‌గా చేస్తున్న కాలంలో అనేక వేదికలపై హరి శాంతి సందడి చేసేవారు. దీంతో ఆమె చాలామంది తెలుగువారికి సుపరిచితురాలే. ఆమె ఆత్మహత్య చేసుకుందని తెలియడంతో తమిళనాడులోని తెలుగు సంఘాల ప్రతినిధుల ఆవేదన వ్యక్తం చేస్తున్నారు. Also read:

By December 19, 2019 at 01:23PM

Read More https://telugu.samayam.com/latest-news/crime/telugu-teacher-commits-suicide-in-chennai-police-suspets-love-affair/articleshow/72882573.cms