ఢిల్లీలో మరో భారీ అగ్ని ప్రమాదం.. 9 మంది సజీవదహనం

దేశ రాజధానిలో ఢిల్లీలో మరోసారి భారీ సంభవించింది. ఈ ప్రమాదంలో 9 మంది ప్రాణాలు కోల్పోగా, మరో 10 మంది తీవ్రంగా గాయపడ్డారు. కిరారి ప్రాంతంలోని ఓ వస్త్ర గోదాంలో సోమవారం వేకువజామున ఈ ప్రమాదం చోటుచేసుకుంది. నాలుగు అంతస్థుల భవనంలోని కింది భాగంలో ఆదివారం అర్ధరాత్రి 12.30 గంటలు ప్రాంతంలో ఒక్కసారిగా మంటలు చెలరేగడంతో ప్రమాదం జరిగింది. అగ్ని ప్రమాదం గురించి సమాచారం అందుకున్న అగ్నిమాపక సిబ్బంది ఘటానా స్థలానికి చేరుకుని సహాయక చర్యలు చేపట్టారు. ఫైర్ ఇంజిన్ల సాయంతో మంటలను అదుపులోకి తీసుకొచ్చారు. క్షతగాత్రుల్ని చికిత్స నిమిత్తం సంజయ్ గాంధీ మెమోరియల్‌ హాస్పిటల్‌కు తరలించారు. ఘటనపై కేసు నమోదు చేసిన పోలీసులు ప్రమాదానికి గల కారణాలపై దర్యాప్తు ప్రారంభించారు. రెండు వారాల కిందట ఝాన్సీ రోడ్డులోని అనాజ్‌ మండీలో భారీ అగ్ని ప్రమాదం సంభవించిన విషయం తెలిసిందే. ఈ ప్రమాదంలో 43 మంది మృతిచెందగా, మరో 50 మంది గాయపడ్డారు. డిసెంబరు 8న ఉదయం 5.30 ప్రాంతంలో స్కూల్ బ్యాగులు, బాటిల్స్, ఇతర వస్తువులు తయారుచేసే ఫ్యాక్టరీలో మంటలు చెలరేగాయి. ఈ ప్రమాదంలో మృతిచెందినవారిలో అధికశాతం కార్మికులే. వీరంతా ఉత్తరప్రదేశ్, బీహార్‌కు చెందినవారే. అందరూ గాఢనిద్రలో ఉన్నప్పుడు ప్రమాదం జరగడంతో ఎక్కువ ప్రాణనష్టం సంభవించింది.

By December 23, 2019 at 07:57AM

Read More https://telugu.samayam.com/latest-news/india-news/several-people-are-feared-dead-delhis-kirari-fire-tragedy/articleshow/72931521.cms