భార్యను హత్య చంపి.. శవంతో రాత్రంగా ఇంట్లోనే

దంపతుల మధ్య తలెత్తిన వివాదం భార్య హత్యకు దారితీసిన ఘటన హైదరాబాద్ శివారులోని కాప్రాలో చోటుచేసుకుంది. భార్య తలను గోడకేసి బాది చంపేసిన భర్త... రాత్రంతా ఆమె మృతదేహం పక్కనే పడుకుని మరుసటి రోజు కుషాయిగూడ పోలీస్‌స్టేషన్‌కు వెళ్లి ఫిర్యాదు చేశాడు. వరంగల్‌ రూరల్‌ జిల్లా రాయపర్తి మండలం రేగుళ్లతండాకు చెందిన భూక్య సోమేశ్వర్‌, భార్య శారద(36), ఇద్దరు కుమారులతో కలిసి బతుకుదెరువు కోసం కొన్నేళ్ల క్రితం నగరానికి వచ్చి పెద్ద చర్లపల్లిలోని రామాలయం వెనుక వీధిలో అద్దెకుంటున్నాడు. స్థానికంగా ఓ కంపెనీలో వెల్డర్‌గా పనిచేస్తున్నాడు. Also Read: శారద మరో కంపెనీలో పనిచేస్తుండగా.. కుమారులిద్దరూ గురుకుల పాఠశాలలో చదువుకున్నాడు. కొద్దిరోజులుగా భార్యాభర్తలిద్దరి మధ్య గొడవలు జరుగుతున్నాయి. బుధవారం రాత్రి విధులు ముగించుకుని మద్యం తాగి వచ్చిన సోమేశ్వర్‌ భార్యతో గొడవపడ్డాడు. శారద కూడా గట్టిగా మాట్లాడటంతో ఆమెను తీవ్రంగా కొట్టి బాత్‌రూమ్‌లోని నెట్టేశాడు. దీంతో ఆమె తలకు తీవ్రగాయమై అక్కడికక్కడే మృతి చనిపోయింది. రాత్రంతా భార్య మృతదేహంతోనే జాగారం చేసిన సోమేశ్వర్‌ గురువారం సాయంత్రం పోలీస్‌స్టేషన్‌కు వెళ్లి తాను బంధువుల ఇంటికి వెళ్లి వచ్చేసరికి భార్య ఆత్మహత్య చేసుకుందని ఫిర్యాదు చేశాడు. Also Read: దీంతో ఘటనా స్థలానికి చేరుకున్న మల్కాజిగిరి డీసీసీ రక్షితామూర్తి, ఏసీపీ శివకుమార్‌, ఇన్‌స్పెక్టర్‌లు మృతిచెందిన తీరును పరిశీలించారు. అనుమానంతో సోమేశ్వర్‌ను అదుపులోకి తీసుకుని విచారించగా తానే చంపినట్లు అంగీకరించాడు. దీంతో కుషాయిగూడ ఇన్‌స్పెక్టర్‌ చంద్రశేఖర్‌ నిందితుడిని అరెస్ట్ చేసి రిమాండ్‌కు తరలించారు. Also Read:

By November 22, 2019 at 09:02AM

Read More https://telugu.samayam.com/latest-news/crime/telangana-woman-brutally-murdered-by-husband-in-hyderabad/articleshow/72177946.cms