Shine Hospital: ఐసీయూలో అగ్నిప్రమాదం.. చిన్నారి మృతి.. మరో ఐదుగురికి గాయాలు
హైదరాబాద్: ఎల్బీ నగర్లోని షైన్ చిన్నపిల్లల హాస్పిటల్లో సోమవారం ఘోర అగ్నిప్రమాదం చోటు చేసుకుంది. ఈ అగ్నిప్రమాదం కారణంగా ఐదు నెలల చిన్నారి చనిపోగా.. మరో ఐదుగురు పసికందులకు గాయాలయ్యాయి. వీరిలో ఇద్దరు చిన్నారుల పరిస్థితి విషమంగా ఉన్నారని తెలుస్తోంది. ఐసీయూలో షాట్ సర్క్యూట్ కారణంగా మంటలు చెలరేగాయని ప్రాథమికంగా భావిస్తున్నారు. ప్రమాదం జరిగిన సమయంలో హాస్పిటల్లో 42 మంది చిన్నారులకు చికిత్స అందిస్తున్నారు. అగ్నిప్రమాదంలో గాయపడిన వారిని మెరుగైన చికిత్స కోసం నగరంలోని వేర్వేరు హాస్పిటల్స్కు తరలించి చికిత్స అందిస్తున్నారు. హాస్పిటల్లో చెలరేగిన మంటలను ఆర్పడం కోసం అగ్నిమాపక సిబ్బంది హాస్పిటల్ అద్దాలను బద్దలుకొట్టి లోపలికి వెళ్లారు. శ్రమించి మంటలను అదుపులోకి తెచ్చారు. అగ్నిప్రమాదానికి ఆసుపత్రి నిర్లక్ష్యమే కారణమంటూ చిన్నారుల తల్లిదండ్రులు, బంధువులు నిరసన వ్యక్తం చేశారు.
By October 21, 2019 at 10:44AM
No comments