నాపై ఈ వెరైటీ రూమర్స్ ఏంటమ్మా?: నందినీ రెడ్డి
‘ఓ బేబీ’ సక్సెస్ తర్వాత దర్శకురాలు ‘లస్ట్ స్టోరీస్’ అనే కాంట్రోవర్షియల్ వెబ్ సిరీస్ను రీమేక్ చేయబోతున్నారని ఎప్పటినుంచో వార్తలు వస్తున్నాయి. నాలుగు భాగాలుగా తెరకెక్కనున్న ఈ వెబ్ సిరీస్లో మొదటి భాగాన్ని నందినీ రెడ్డి, మిగతా భాగాలను సంకల్ప్ రెడ్డి, సందీప్ రెడ్డి వంగా, తరుణ్ భాస్కర్ తెరకెక్కించనున్నట్లు జోరుగా ప్రచారం జరుగుతోంది. అయితే దీనిపై తాజాగా నందినీ రెడ్డి నోరువిప్పారు. నెట్ఫ్లిక్స్లో లస్ట్ స్టోరీస్ వెబ్ సిరీస్ సబ్ టైటిల్స్తో సహా ఉన్నప్పుడు మళ్లీ దానిని రీమేక్ చేయాల్సిన అవసరమేంటని ప్రశ్నించారు. ‘వై అమ్మా.. ఏంటో ఈ వెరైటీ రూమర్స్’ అని ట్విటర్ వేదికగా స్పందించారు. అయితే నందినీ రెడ్డి తన తర్వాతి సినిమాను ప్రకటించేశారు. ‘మహానటి’ సినిమాకు నిర్మాతలుగా వ్యవహరించిన స్వప్న దత్, ప్రియాంక దత్లతో కలిసి ఓ సినిమా చేయబోతున్నారు. ప్రస్తుతం ఈ సినిమా ప్రీ ప్రొడక్షన్ కార్యక్రమాలు జరుపుకుంటోంది. అయితే ఈ సినిమాను ఓ నార్మల్ లవ్ స్టోరీగా ఉండబోతోందని తెలుగు వర్గాలు అంటున్నాయి. కాన్సెప్ట్ ఎంత రొటీన్గా ఉన్నా నందినీ రెడ్డి తన ఆలోచనలను సినిమాకు జోడించి మరో మెట్టుపైకి తీసుకెళ్తారు. సాధారణంగా నందినీ రెడ్డి రొటీన్ కథల జోలికి వెళ్లరు. ఒకవేళ వెళ్లారు అంటే అందులో ఏదో ఒక పాయింట్ ఉండకుండా ఉండదు. ప్రస్తుతం స్క్రిప్ట్ దశలో ఉన్న ఈ సినిమాలో నటీనటులు, సాంకేతిక నిపుణులు ఎవరన్న వివరాలు త్వరలో వెల్లడిస్తారు. ఈ సినిమాతో పాటు అమలా పాల్, జగపతిబాబు ప్రధాన పాత్రల్లో నందినీ రెడ్డి ఓ సినిమాను తెరకెక్కించనున్నట్లు చాలా రోజులుగా రూమర్స్ వస్తున్నాయి. ఆ ప్రాజెక్ట్ లస్ట్ స్టోరీస్ రీమేకేనని అన్నారు. ఇప్పుడు ఎటూ తాను లస్ట్ స్టోరీస్ను రీమేక్ చేయడంలేదని నందినీ ప్రకటించేశారు కాబట్టి ఇప్పుడు అమలా పాల్, జగపతిబాబుతో కలిసి చేయబోయే సినిమా గురించి వివరాలు బయటికి రావాల్సి ఉంది. ఏదేమైనా చాలా కాలం తర్వాత ‘ఓ బేబీ’ సినిమాతో మంచి విజయం అందుకున్న నందినీ రెడ్డి నుంచి మరో ఆసక్తికరమైన ప్రాజెక్ట్ కోసం అభిమానులు ఎంతో ఆసక్తిగా ఎదురుచూస్తున్నారు.
By October 11, 2019 at 09:35AM
No comments