ఉదయం పెళ్లి, సాయంత్రం జైలుకి.. నవదంపతులకు వింత అనుభవం

పెళ్లి చేసుకున్న సంతోషం కొన్ని గంటలైన నిలవకముందే కొత్త దంపతులు జైలుకెళ్లిన టన అమెరికాలోని అరిజోనాలో జరిగింది. పెళ్లి కూతురు అత్యుత్సాహంతో ఆమెకు తాళి కట్టినోడు కూడా జైల్లో కూర్చోవాల్సి వచ్చింది. Also Read: అరిజోనాలో నివాసముండే యాష్లే జోర్డాన్(30) అనే యువతికి ఎరిక్ కార్డోవా(31) అనే యువకుడితో శనివారం ఉదయం ప్రెస్కోట్‌‌లో ఘనంగా వివాహమైంది. ఆరోజు మధ్యాహ్నం 12 గంటల నుంచి సాయంత్రం 6 గంటల వరకు స్నేహితులు, బంధువులకు విందు ఇచ్చారు. రిసెప్షన్ ముగిశాక బయటకు వెళ్లిన వధువు జోర్డాన్ ఓ పని నిమిత్తం బయటకు వెళ్లింది. రాత్రి 9.30 గంటల సమయంలో స్థానికంగా చిన్న దుకాణం నిర్వహిస్తున్న ఓ వ్యక్తితో ఆమెకు గొడవైంది. ఈ క్రమంలోనే జోర్డాన్ అతడిపై చేయి చేసుకుంది. Also Read: దీంతో బాధితుడు పోలీసులకు ఫిర్యాదు చేశాడు. దీంతో పోలీసులు ఆమె ఇంటికి వచ్చి విచారణ చేపట్టారు. జోర్డాన్ భర్త పోలీసుల పట్ల దురుసుగా ప్రవర్తించాడు. ఈ క్రమంలోనే తోపులాట చోటుచేసుకోవడంతో ఎరిక్ కింద పడ్డాడు. దీంతో రెచ్చిపోయిన జోర్డాన్ నా భర్తనే తోసేస్తారా.. అంటూ పోలీసుపై చేయి చేసుకుంది. ఈ ఘటనతో కాసేపు అక్కడ ఉద్రిక్త పరిస్థితి నెలకొంది. విధుల్లో ఉన్న అధికారిపై దాడికి పాల్పడినందుకు పోలీసులు ఆ నవ దంపతులను అరెస్ట్ చేసి రిమాండ్‌కు తరలించారు. వారికి ఉదయమే పెళ్లయిందని, వదిలేయాలని కుటుంబసభ్యులు, బంధువులు వేడుకున్నా పోలీసులు కనికరించలేదు. చట్టానికి ఎవరూ అతీతులు కారంటూ వారిద్దరిని జైలుకు తరలించారు. Also Read:

By October 03, 2019 at 10:58AM

Read More https://telugu.samayam.com/latest-news/crime/newly-married-couple-arrested-for-wedding-brawl-with-cops-in-arizona/articleshow/71418064.cms