నటన నేర్పిస్తానని ఇంటికి పిలిచి అమ్మాయిలపై నటుడు రేప్!
నటనలో మెళకువలు నేర్పిస్తానని మాయమాటలు చెప్పి తన ఇంటికి పిలిపించి యువతలపై అత్యాచారానికి పాల్పడుతోన్న థియేటర్ ఆర్టిస్ట్ కమ్ ప్రొఫెసర్ను పోలీసులు అరెస్ట్ చేశారు. ఈ ఘటన కోల్కతాలో చోటుచేసుకుంది. కోల్కతాలోని ఓ ప్రయివేట్ కాలేజీలో మీడియా స్టడీస్ విభాగంలో ప్రొఫెసర్గా పనిచేశారు. నటన నేర్పిస్తానని చెప్పి ప్రొఫెసర్ సుదీప్టో తన శారీరక వాంఛలు తీర్చుకున్నాడని బాధిత యువతి సోషల్ మీడియాలో పెట్టిన పోస్ట్ వైరల్ అయ్యింది. దీంతో అతగాడి భాగోతం గురించి మరో ఇద్దరు యువతులు పోలీసులకు ఫిర్యాదు చేశారని కోల్కతా పోలీసు డిప్యూటీ కమిషనర్ దేబాస్మిత దాస్ ధ్రువీకరించారు. న్యూయార్ యూనివర్సిటీ నుంచి థియేటర్ ఆర్ట్స్లో పీహెచ్డీ చేసిన సుదీప్టో చటర్జీ.. ఆర్టిస్టుగా రెండు దశాబ్దాలుగా పనిచేస్తున్నారు. ఛటర్జీపై ఫిర్యాదు చేసిన ముగ్గురు బాధితుల వయసు 20 ఏళ్లని పోలీసులు తెలిపారు. నటనలో మెళకువలు నేర్పుతానని చెప్పి ఛటర్జీ తనను ఇంటికి పిలిచి అత్యాచారానికి పాల్పడ్డాడని పోలీసులకు ఇచ్చిన ఫిర్యాదులో బాధిత యువతి తెలిపింది. ఇంటికి వెళ్లిన తర్వాత మంచంపై పడుకొని, కళ్లు మూసి డైలాగులు చెప్పాలనేవాడని, అనంతరం తనపై లైంగిక దాడికి పాల్పడ్డాడని ఫిర్యాదులో పేర్కొంది. అత్యాచారం ఘటన గురించి మర్చిపోవాలని ఛటర్జీ భార్య తనను కోరినట్టు బాధితురాలు వివరించింది. సుదీప్టో ఛటర్జీని పోలీసులు శుక్రవారం అరెస్టు చేసి దర్యాప్తు చేపట్టారు. సుదీప్టో ఛటర్జీ మంగళవారం తన పదవికి రాజీనామా చేయగా, ఆ మర్నాడే బాధిత యువతి సోషల్ మీడియాలో అతడి నిజస్వరూపం గురించి బహిర్గతం చేసింది. రెండేళ్ల కిందట జరిగిన ఈ ఘటనపై నోరువిప్పింది. ‘ఛటర్జీ స్వీయ నిర్మాణంలో ప్రదర్శితమైన ‘భద్రోజా’అనే థియేటర్ షోకి తనను ఎంపిక చేశారు.. మూడు షోలు ప్రదర్శించిన తర్వాత ఒక రోజు హఠాత్తుగా సన్నివేశం సరిగ్గా రావడంలేదని చెప్పి.. నటనకు శరీరంతో పాటు మానసిక అనుబంధం ఉండాలి.. అప్పుడే సీన్ పండుతుంది... మా ఇంటికి వస్తే నీకు నటనలో మెళకువలు నేర్పిస్తానని చెప్పారు.. అక్కడకు వెళ్లిన తర్వాత మంచంపై పడుకుని కళ్లు మూసుకుని సన్నివేశానికి సంబంధించిన డైలాగ్ చెప్పమనేవారు.. తర్వాత తనను తాకుతూ స్పర్శకు స్పందిస్తూ డైలాగ్ చెప్పమని అడిగేవారు.. అనంతరం లైంగిక దాడికి పాల్పడి డైలాగ్ బిగ్గరగా అరుస్తూ చెప్పమనేవాడని’ బాధిత యువతి వాపోయింది.
By October 19, 2019 at 01:39PM
No comments