అదే తప్పు చేస్తున్న శంకర్.. ఒక్క ఫైట్కే 40 కోట్లు
దేశం గర్వించదగ్గ దర్శకుల్లో ముందు వరుసలో ఉండే గ్రేట్ డైరెక్టర్ శంకర్. సందేశాత్మక చిత్రాలను కూడా భారీ కమర్షియల్ హిట్స్గా మార్చిన ఘనత సొంతం. సుధీర్ఘ కెరీర్లో చేసినవి తక్కువ సినిమాలే అయినా జాతీయ స్థాయిలో గ్రేట్ డైరెక్టర్స్ లిస్ట్లో చేరిపోయాడు శంకర్. అయితే ప్రస్తుతం పరిస్థితులు మారిపోయాయి. శంకర్ తెరకెక్కించిన గత మూడు చిత్రాలు ప్రేక్షకులను నిరాశపరిచాయి. 3 ఇడియట్స్ రీమేక్గా తెరకెక్కిన నన్బన్ కాస్త పరవాలేదనిపించినా తరువాత వచ్చిన ఐ, 2.ఓ సినిమాలు నిర్మాతలకు తీవ్ర నష్టాలను మిగిల్చాయి. దీంతో శంకర్ ప్రస్తుతం తెరకెక్కిస్తున్న సినిమాపై ఆ ప్రభావం పడింది. ఇదే కాంబినేషన్లో ఘన విజయం సాదించిన ఇండియన్ సినిమాకు సీక్వెల్గా ఈ మూవీ రూపొందుతోంది. ముందుగా ఈ సినిమాను భారీ బడ్జెట్తో తెరకెక్కిచాలని భావించినా తరువాత నిర్మాతలు బడ్జెట్ పరిమితులు విధించారు. Also Read: ఓ దశలో ఇండియన్ 2 ప్రాజెక్ట్ ఆగిపోయిందన్న ప్రచారం కూడా జరిగింది. శంకర్ కోరిన బడ్జెట్ ఇచ్చేందుకు నిర్మాతలు ససేమిరా అనటంతో తప్పని సరిపరిస్థితుల్లో బడ్జెట్ పరిమితుల్లోనే సినిమా పూర్తి చేసేందుకు అంగీకరించాడు శంకర్. ఇప్పటికే రెండు షెడ్యూల్స్ పూర్తి చేసుకున్న ఈ సినిమా త్వరలో మూడో షెడ్యూల్ షూటింగ్ కోసం భోపాల్ వెళ్లనుంది. ఈ షెడ్యూల్లో ఓ భారీ యాక్షన్ సీక్వెన్స్ను చిత్రీకరించనున్నారు. Also Read: ప్రముఖ యాక్షన్ కొరియోగ్రాఫర్ డైరెక్షన్లో రూపొందనున్న ఈ ఫైట్ సీన్ కోసం ఏకంగా 40 కోట్ల రూపాయలు ఖర్చు చేస్తున్నారట. హీరో కమల్ హాసన్తో పాటు దాదాపు 2000 మంది జూనియర్ ఆర్టిస్ట్లపై ఈ యాక్షన్ సీన్స్ను చిత్రీకరించనున్నారు. ఈ సినిమాలో బాలీవుడ్లో నటుడు అనిల్ కపూర్ విలన్గా నటిస్తున్నారన్న ప్రచారం జరుగుతోంది. ఈ ఏడాది సంక్రాంతి సందర్భంగా ఇండియన్ 2 సినిమా తొలి పోస్టర్ను రిలీజ్ చేశారు. అయితే వివిధకారణాలతో షూటింగ్ వాయిదా పడుతూ వచ్చింది. తాజాగా షూటింగ్ను తిరిగి ప్రారంభించిన చిత్రయూనిట్ వీలైనంత త్వరగా సినిమాను పూర్తి చేసేందుకు ప్లాన్ చేస్తున్నారు. లైకా ప్రొడక్షన్స్ సంస్థ భారీ బడ్జెట్తో నిర్మి్స్తున్న ఈ సినిమాకు మ్యూజిక్ సెన్సేషన్ అనిరుధ్ రవిచంద్రన్ సంగీతమందిస్తున్నాడు. ఈ సినిమాలో రకుల్ ప్రీత్ సింగ్, సిద్ధార్థ్, ప్రియా భవానీ శంకర్, విద్యుత్ జమ్వాల్లు కీలక పాత్రల్లో నటిస్తున్నారు. Also Read:
By October 19, 2019 at 12:37PM
No comments