Teachers day special: వెండితెర టీచర్లు.. యమ హాట్ గురూ..

మనకు చదువు చెప్పే గురువులు జీవితంలో కీలక పాత్రలు పోషిస్తారు. వారు లేకపోతే మనం ఏమీ నేర్చుకోలేం. ఈరోజు మనం చదువుకుని ఇంతటి స్థాయిలో ఉన్నామంటే అందుకు వారే కారణం. అయితే మనం తరగతి గదుల్లో చూసిన టీచర్లు వేరు. వెండితెరపై చూసిన టీచర్లు వేరు. టీచర్ అంటే ఎప్పుడూ పద్ధతిగానే ఉండాలా? కాస్త మాస్, మసాలా జోడించి ప్రేక్షకులకు కొత్త రుచిని చూపిస్తే పోలా అని అనుకున్న దర్శకులు ఉన్నారు. క్లాస్‌లో టీచర్ కాస్త అందంగా కనిపిస్తే చాలు హీరోలు అయిపోని అబ్బాయిలు ఉండరు. ఇలాంటి ఘటనలు వెండితెరపైనే కాదు నిజ జీవితంలోనూ కనిపిస్తుంటాయి. సినిమాల్లో నటీమణులు సెక్సీ టీచర్ల పాత్రల్లో కనిపిస్తే.. ‘ఇలాంటి టీచర్లు మనకు ఉండుంటే ఒక్కరోజు కూడా క్లాస్ ఎగ్గొట్టేవాళ్లం కాదు కదా..’ అని అనుకోని అబ్బాయిలు ఉండరేమో. వారి వల్లే మనకు వెండితెరపై ఇంతటి అందమైన టీచర్లు దర్శనమిచ్చారు. వారెవరో ఓ లుక్కేద్దాం.. సుస్మితా సేన్ మాజీ విశ్వ సుందరి సుస్మితా సేన్ టీచర్‌ పాత్రలో నటించిన చిత్రం ‘మై హూ నా’. షారుక్ ఖాన్ కథానాయకుడిగా నటించిన ఈ చిత్రంలో సుస్మిత తన అందంతో కింగ్ ఖాన్‌ను ఫిదా చేసేశారు. నిజ జీవితంలోనూ కాస్త అందమైన టీచర్లు కనపడగానే షారుక్‌లాగే ఫీలైపోయి ఉంటారేమో. ఈ సినిమాలో ప్రేమిస్తున్నానంటూ షారుక్.. సుస్మిత వెంట‌పడే సన్నివేశాలు చాలా ఫన్నీగా రొమాంటిక్‌గా ఉంటాయి. సన్నీ లియోనీ బాలీవుడ్ సెక్సీ బాంబ్ సన్నీ లియోనీ కూడా టీచర్ పాత్రలో నటించి కుర్రకారును ఉర్రూతలూగించారు. పైగా ఈ పాత్రను ఆమె తెలుగు సినిమాలో పోషించడం విశేషం. మంచు మనోజ్, రకుల్ ప్రీత్ సింగ్ జంటగా నటించిన ‘కరెంటు తీగ’ సినిమాలో సన్నీ టీచర్ పాత్రలో నటించారు. సన్నీ నటించిన తొలి తెలుగు సినిమా కూడా ఇదే కావడం విశేషం. ఈ సినిమా చూసిన వారిలో కొందరైనా ఇలాంటి టీచర్ ఉండుంటే బాగుండేది అనుకోనివారు ఉండరు అనడంలో ఏమాత్రం అతిశయోక్తి లేదు. విద్యా బాలన్ జాతీయ అవార్డు గ్రహీత విద్యా బాలన్ చూడటానికి చాలా హోమ్లీ‌గా కనిపిస్తారు. కానీ ఆమెలోనూ ఓ సెక్సీ నటి ఉంది అని నిరూపించిన చిత్రం ‘ది డర్టీ పిక్చర్’. ఈ సినిమాలోని ఓ సన్నివేశంలో విద్య టీచర్ పాత్రలో కనిపిస్తారు. ఆమె తరగతి‌లో పాఠాలు చెబుతున్నప్పుడు గాలికి చీర కొంగు పక్కకు జారిపోయే సన్నివేశం సినిమా మొత్తంలో హైలైట్‌గా నిలిచింది. పిల్లల ముందు ఇలాంటి సన్నివేశాలు తెరకెక్కించాల్సిన అవసరం ఏంటని పలువురు క్రిటిక్స్ తిట్టిపోశారు కూడా. కమలినీ ముఖర్జీ ‘హ్యాపీడేస్’ సినిమాలో కమలినీ ముఖర్జీ ఇంగ్లిష్ ప్రొఫెసర్ పాత్రలో ఆకట్టుకున్నారు. ఆమెను చూడగానే హీరో నిఖిల్ గింగిరాలు తిరిగిపోయే సన్నివేశాలు ఇప్పటికీ ఎవర్‌గ్రీనే. ఆమె మనసు గెలుచుకోవడం కోసం టకటకా ఇంగ్లీష్ పాఠాలు అప్పజెప్పేయడం, ఆమె కోసం క్లాస్‌కి ముందుగానే రావడం.. ఇవన్నీ ఎందరో కుర్రాళ్లకు తమ కాలేజ్ రోజుల్ని గుర్తుచేసుంటాయి.

By September 05, 2019 at 09:01AM

Read More https://telugu.samayam.com/telugu-movies/cinema-news/these-sexy-teachers-had-set-silver-screen-on-fire-with-their-performances-in-films/articleshow/70987217.cms