స్పెయిన్‌లో నాగ్ బర్త్‌డే.. మావయ్య కోసం సమంత ప్రత్యేక ఏర్పాట్లు

టాలీవుడ్ మన్మథుడు, అభిమానుల కింగ్ అక్కినేని నాగార్జున నేడు (ఆగస్టు 29న) 60వ ఏట అడుగుపెట్టారు. అయితే, ఈ పుట్టినరోజు వేడుకను ఆయన అభిమానుల మధ్య జరుపుకోవడంలేదు. కుటుంబ సభ్యులు, సన్నిహితుల మధ్య స్పెయిన్‌లో జరుపుకుంటున్నారు. సతీమణి అమలతో కలిసి బుధవారం ఉదయం నాగార్జున స్పెయిన్ వెళ్లారు. నాగార్జున కన్నా ముందుగానే ఆయన కుమారులు నాగచైతన్య, అఖిల్.. కోడలు సమంత, మరికొంతమంది కలిసి అక్కడికి వెళ్లారు. స్పెయిన్‌లోని ఇబిజా కాల్మాలో నాగ్ బర్త్‌డే వేడుక జరగనుంది. రెండు రోజుల క్రితమే నాగచైతన్య, సమంత, అఖిల్ ఇబిజా కాల్మా చేరుకున్నారు. అక్కడ తీసుకున్న కొన్ని ఫొటోలను సమంత ఇన్‌స్టాగ్రామ్ ద్వారా అభిమానులతో పంచుకున్నారు. మావయ్య పుట్టినరోజు కోసం సమంత ఇక్కడ ప్రత్యేకంగా ఏర్పాట్లు చేశారని తెలిసింది. సుమారు వారం రోజులపాటు నాగార్జున తన కుటుంబ సభ్యులతో స్పెయిన్‌లో విహరించనున్నారు. సెప్టెంబర్ 6న నాగార్జున దంపతులు ఇండియాకు తిరిగొస్తారని సినీ వర్గాల ద్వారా తెలిసింది. Also Read: కాగా, నాగార్జున ప్రస్తుతం ‘బిగ్ బాస్’ సీజన్ 3 హోస్ట్‌గా వ్యవహరిస్తున్నారు. అలాగే బాలీవుడ్ మూవీ ‘బ్రహ్మాస్త్ర’లో కీలక పాత్రలో నటిస్తున్నారు. ‘బిగ్ బాస్’ షోలో ప్రతి శని, ఆదివారాల్లో నాగార్జున కనిపిస్తోన్న సంగతి తెలిసిందే. ఈ రెండు రోజులు హౌస్‌మేట్స్‌తో నాగార్జున మన టీవీ ద్వారా మాట్లాడతారు. అయితే, రాబోయే రెండు వారాలకు నాగార్జున తన షూటింగ్‌ను పూర్తిచేసుకున్నారట. స్పెయిన్ నుంచి రాగానే నేరుగా ‘బిగ్ బాస్’ షూటింగ్‌లో నాగార్జున పాల్గొంటారని సంబంధిత వర్గాల ద్వారా తెలిసింది.

By August 29, 2019 at 09:41AM

Read More https://telugu.samayam.com/telugu-movies/cinema-news/nagarjuna-akkineni-60th-birthday-celebrations-in-spain-naga-chaitanya-samantha-akhil-to-join/articleshow/70886399.cms