YS Jagan: 'బీసీని తొలగించి మీ బాబాయికి పదవిచ్చావ్.. ఇదేనా సామాజిక న్యాయం'

బీసీలను అణగదొక్కడమే సామాజిక న్యాయమా అంటూ ప్రశ్నించారు మాజీ మంత్రి . అప్పుడు వైఎస్, ఇప్పుడు జగన్ వెనుకబడిన వర్గాలకు తీరని అన్యాయం చేశారని మండిపడ్డారు. పదవులు, ఉద్యోగాల విషయంలో బీసీలకు అన్యాయం చేస్తూ.. ఎదగనీయకుండా చేస్తున్నారని ఆరోపించారు. ఆదివారం పత్రికా ప్రకటన విడుదల చేసిన యనమల.. ముఖ్యమంత్రి జగన్‌పై విరుచుకుపడ్డారు. బీసీల్ని తప్పుడు కేసులతో జైళ్లకు పంపింన చరిత్ర వైఎస్ కుటుంబానిదన్నారు యనమల. అధికారం ఉందని.. బీసీలను అణగదొక్కడమే వైఎస్ కుటుంబం ధ్యేయంగా పెట్టుకుందన్నారు. అప్పుడు ఆదరణ-1ను రాజశేఖర రెడ్డి రద్దు చేస్తే.. ఇప్పుడు ఆదరణ -2ను జగన్ రద్దు చేశారని మండిపడ్డారు. బీసీలంటే వైఎస్ కుటుంబానికి కక్షని.. ఆధునిక పనిముట్లు బీసిలకు అందకుండా చేసింది తండ్రీ కొడుకులే అంటూ ధ్వజమెత్తారు. ఇక బీసీ విద్యార్ధులకు ఎంసెట్ కౌన్సిలింగ్‌లో సుప్రీంకోర్టు ఆదేశాలను పాటించక పోవడం గర్హనీయమన్నారు. జీవో 550 అమలు చేయనందునే మెడిసిన్‌కు బీసిలు ఎంపిక కాలేకపోయారన్నారు. ఇటు 2019-20 ఓటాన్ అకౌంట్ బడ్జెట్‌లో రూ.16వేల కోట్లు పెడితే.. వైసీపీ ప్రభుత్వం రూ.15వేల కోట్లకు తగ్గించింనందుకు బీసిలు జగన్మోహన్ రెడ్డిని అభినందించాలా.. ఆదరణ రద్దు చేసినందుకు అభినందించాలా అంటూ ప్రశ్నించారు యనమల. 139కార్పొరేషన్లు పెడతామని పాదయాత్రలో జగన్ మాట ఇచ్చారని.. ఇప్పుడు 40కార్పొరేషన్లకే పరిమితం చేయాలని చూస్తున్నారని ఆరోపించారు. సంక్షేమ హాస్టళ్లలో ఇన్‌ఫ్రాస్ట్రక్చర్ ఎలా అభివృద్ధి చేస్తారు.. బీసీలకు, ముస్లిం మైనారిటీలకు బడ్జెట్‌లో కోతలు పెట్టారు. బడ్జెట్ కోతలతో బీసిల అభ్యున్నతి ఎలా సాధ్యం.. బీసిలకు కోతలు పెట్టిన ప్రభుత్వాన్ని జస్టిస్ ఈశ్వరయ్య ఎలా అభినందిస్తారని ప్రశ్నించారు బీసిలకు స్థానిక సంస్థలలో రిజర్వేషన్లు ఇచ్చిన ఘనత టిడిపీదన్నారు మాజీ మంత్రి. వల్లే ఎంతోమంది బీసీలు రాజకీయంగా ఎదిగారు. మండలాధ్యక్షులుగా, జెడ్పీ ఛైర్మన్‌లుగా బీసీలు అయ్యారంటే అది టీడీపీ ఘనత అన్నారు. బీసీలకు సబ్ ప్లాన్ పెట్టింది చంద్రబాబు ప్రభుత్వమే.. ఎన్టీఆర్ ఒత్తిడి వల్లే మండల్ కమిషన్ సిఫార్సుల్ని నేషనల్ ఫ్రంట్ ప్రభుత్వం అమలు చేసిందన్నారు. అందుకే బీసీలకు ఐఏఎస్, ఐపీఎస్, అత్యున్నత న్యాయమూర్తులుగా పదోన్నతులు సాధ్యమయ్యాయి అన్నారు. అందువల్లే ఈశ్వరయ్య, రోహిణి తదితరులు ప్రధాన న్యాయమూర్తులు కాగలిగారన్నారు. ఇక ఏడుకొండలవాడికి సన్నిధి గొల్లలకు ఉన్న అనుబంధాన్ని టీడీపీ గౌరవించింది, ఆదరించిందన్నారు యనమల. అందుకే సుధాకర్ యాదవ్‌ను టీటీడీ ఛైర్మన్‌గా నియమించిందన్నారు. సుధాకర్ యాదవ్‌ను తొలగించి జగన్ తన బాబాయి సుబ్బారెడ్డిని నియమించడమే సామాజిక న్యాయమా అని ప్రశ్నించారు. సామాజిక అన్యాయమే తప్ప సామాజిక న్యాయం సీఎం జగన్‌కు చేతకాదన్నారు. జగన్ సొంత కుటుంబానికి న్యాయం.. సొంత సామాజిక వర్గానికి న్యాయమే తప్ప.. వైసీపీలో సామాజిక న్యాయం మచ్చుకు కూడా లేదన్నారు. తుడా ఛైర్మన్ గా నరసింహ యాదవ్‌ను తొలగించి చెవిరెడ్డి భాస్కర రెడ్డిని నియమించారన్నారు. ఏపీఐఐసీ ఛైర్మన్‌గా పి. కృష్ణయ్యను తొలగించి రోజారెడ్డిని నియమించారని.. అడుగడుగునా బీసీలను అణగదొక్కడమే జగన్ దుర్నీతన్నారు.సొంత సామాజిక వర్గాన్ని పైకి తెచ్చేందుకే బీసిలను అణగదొక్కుతున్నారని ఆరోపించారు. శ్రీకాకుళం జిల్లా 50పైగా రజక కుటుంబాలు గ్రామంలో ఉన్నప్పటికీ.. 7పోస్టులలో ఒక్క వాలంటీర్ పోస్ట్ ఇవ్వడానికి వైసీపీ నేతలకు చేతులు రాలేదని యనమలి విమర్శించారు. అందుకే దుస్తులు ఉతకమని బీటీవాడ రజకులు తీర్మానించడం వైసీపీ సామాజిక అన్యాయానికి ప్రత్యక్ష సాక్ష్యమన్నారు. టీడీపీకి ఓటేశారనే కక్షతో ప్రకాశం జిల్లా పొందూరు శివారు లక్ష్మక్క పాలెంలో నాయీ బ్రాహ్మణులు ఉండకూడదని.. రోడ్లపై ఎలా వెళ్తారంటూ కొడవళ్లతో దాడిచేసి గాయపరచడం రాక్షసత్వమన్నారు. అధికారం చేపట్టి 2నెలలు కాకుండానే 3గురు బీసీలను హతమార్చడం.. మత్స్యకార మహిళను అవమానించి ఆత్మహత్యకు పురికొల్పడం వైసీపీ కిరాతకాలకు పరాకాష్టన్నారు.బీసీలను ఆదుకోవాలే తప్ప బెదిరింపులతో, వేధింపులతో, తప్పుడు కేసులతో, హత్యలతో, అవమానాలతో కాదన్నారు. ఎవరెంత దుష్ప్రచారం చేసినా టిడిపికి బీసిలను దూరం చేయలేరన్నారు.

By July 21, 2019 at 03:01PM

Read More https://telugu.samayam.com/latest-news/state-news/yanamala-ramakrishnudu-slams-cm-ys-jagan-on-backward-castes-problems-and-budget-allocations/articleshow/70315895.cms