Breaking News

YS Jagan గారూ.. పేద విద్యార్థుల నోటి దగ్గర ముద్ద తీసేస్తారా: లోకేష్


ఆంధ్రప్రదేశ్ ముఖ్యమంత్రి వైఎస్ జగన్‌మోహన్‌రెడ్డి నెల రోజుల పాలనను పూర్తి చేసుకున్నారు. ముఖ్యమంత్రిగా బాధ్యతలు చేపట్టిన తర్వాత సంచలన నిర్ణయాలతో పాలనపై తనదైన మార్క్ వేశారు. అమ్మఒడి, రైతు భరోసా, పోలీసులకు వీక్లీ ఆఫ్‌లు ఇలా సరికొత్త నిర్ణయాలతో ముందుకు సాగుతున్నారు. అయితే ఇంటర్మీడియట్ విద్యార్థులకు మధ్యాహ్న భోజన పథకాన్ని ఎత్తివేయడంపై భిన్నాభిప్రాయాలు వ్యక్తమవుతున్నాయి. ఏపీ ప్రభుత్వ తీరుపై టీడీపీ మండిపడుతోంది. పేద విద్యార్థుల కడుపు నింపే పథకాన్ని ఆపడం ఏంటని ప్రశ్నిస్తోంది. తాజాగా మాజీ మంత్రి ఈ వ్యవహారంపై ట్విట్టర్‌లో స్పందించారు. లోకేష్ తన ట్వీట్‌లలో ‘తన రాజభవనం ముందు 1.3 కిమీ రోడ్డు వెయ్యడానికి రూ.5 కోట్లు, టాయిలెట్స్ కట్టడానికి 30 లక్షలు, బ్యారికేడ్లు పెట్టడానికి 75 లక్షలు, హెలిప్యాడ్ కు 1.89 కోట్లు... ఇలా విచ్చలవిడిగా ఖర్చు పెడుతున్న @ysjagan గారు పేద ఇంటర్ విద్యార్థులకు మధ్యాహ్న భోజనం అనవసరం అనడం దారుణం. పొదుపు చేసుకోవాలంటే 2 లక్షల మంది పేద విద్యార్థుల నోటి దగ్గర ముద్దనే తీసెయ్యాలా?’ అంటూ ప్రశ్నించారు. నారా లోకేష్ కొద్దిరోజులుగా ఏపీ ప్రభుత్వ పాలన, సీఎం జగన్ తీసుకున్న నిర్ణయాలు, టీడీపీపై వైసీపీ చేస్తున్న విమర్శలపై ట్విట్టర్ వేదికగా స్పందిస్తున్నారు. తప్పులు చేస్తున్నారంటూ ఎప్పటికప్పుడు ట్వీట్లు చేస్తూ.. వైసీపీ ప్రభుత్వాన్ని టార్గెట్ చేస్తున్నారు.


By July 03, 2019 at 01:38PM


Read More https://telugu.samayam.com/latest-news/state-news/ex-minister-nara-lokesh-targets-ap-cm-ys-jagan-on-revoke-mid-day-meal-for-intermediate-students/articleshow/70054503.cms

No comments