సికింద్రాబాద్: ఉజ్జయిని అమ్మవారి సేవలో సీఎం కేసీఆర్
తెలంగాణ ముఖ్యమంత్రి సికింద్రాబాద్ శ్రీ ఉజ్జయిని మహంకాళీ సేవలో పాల్గొన్నారు. అమ్మవారికి పట్టు వస్త్రాలు, బోనం సమర్పించి మొక్కులు చెల్లించుకున్నారు.. కుటుంబ సభ్యులతో కలిసి ప్రత్యేక పూజలు నిర్వహించారు. అనంతరం ఆలయ అర్చకులు సీఎం కేసీఆర్‌కు అమ్మవారి తీర్థ ప్రసాదాలను అందజేశారు. ముఖ్యమంత్రి వెంట మంత్రులు తలసాని, ఇంద్రకరణ్‌రెడ్డిలు ఉన్నారు. అంతకముందు కేంద్ర సహాయ మంత్రి కిషన్‌రెడ్డి , కేంద్ర మాజీ మంత్రి బండారు దత్తాత్రేయ, మంత్రులు శ్రీనివాస్ గౌడ్‌, తలసాని శ్రీనివాస్ యాదవ్, ఇంద్రకరణ్‌ రెడ్డి, మల్లారెడ్డి, తెలంగాణ శాసనసభ మాజీ డిప్యూటీ స్పీకర్‌ పద్మాదేవేందర్‌ రెడ్డితో పాటూ పలువురు ప్రముఖులు అమ్మవారిని దర్శించుకున్నారు. ప్రత్యేక పూజలు నిర్వహించారు. ఇటు అమ్మవారి దర్శనానికి ఉదయం నుంచే భక్తులు పోటెత్తారు.. క్యూ లైన్లన్నీ నిండిపోయాయి.
By July 21, 2019 at 03:40PM
No comments