నాగర్‌కర్నూలులో వింతకోడి.. 150 గుడ్లు.. రూ.40వేల ఆదాయం

ఒక్క కోడి.. యజమానికి ఏకంగా రూ.40వేల ఆదాయం తెచ్చిపెట్టింది. వినడానికి ఆశ్చర్యంగానే ఉన్నా ఇది నిజం. తెలంగాణలోని జిల్లా పెద్దకొత్తపల్లి మండలం దేవునితిర్మలాపూర్‌కు చెందిన రామకృష్ణాచారి నాటుకోళ్ల పెంపకాన్ని ఆదాయ వనరుగా మార్చుకున్నాడు. గతంలో అతడు పెంచుకున్న ఓ కోడికి పుట్టిన ప్రస్తుతం అతడికి వేలకు వేలు ఆదాయం ఇస్తోంది. ఈ నాటుకోడి ఇప్పటివరకు 150 గుడ్లు వరకు పెట్టిందని రామకృష్ణాచారి చెబుతున్నారు. మొదటి విడతలో 30 గుడ్లు పెట్టగా 25 పిల్లలు అయ్యాయని, రెండో విడతలో 50 గుడ్లు పెట్టగా 45 పిల్లలు అయ్యాయని ఆయన చెబుతున్నారు. ఇలా విడతల వారీగా ఇప్పటివరకు 150 గుడ్లు పెట్టిందని, వాటిని పొదిగి పిల్లలను అమ్మడం ద్వారా ఇప్పటివరకు రూ.40వేల వరకు ఆదాయం వచ్చినట్లు ఆయన తెలిపారు. ఈ విషయం ఆనోటా ఈనోటా తెలియడంతో దాన్ని చూసేందుకు చుట్టుపక్కల గ్రామాల నుంచి కూడా వస్తున్నారు. ఆ కోడి యజమాని అయిన రామకృష్ణాచారి అదృష్టానికి మురిసిపోతున్నారు. ఈ విషయంపై కొల్లపూర్ పశువైద్యాధికారి డాక్టర్ వినయ్‌కుమార్ స్పందిస్తూ.. హార్మోన్ల ప్రభావంతో కొన్ని కోళ్లు ఇలా గుడ్లు పెట్టే అవకాశం ఉంటుందని చెప్పారు. లక్షల కోళ్లలో ఒక కోడి ఇలా గుడ్లు పెడుతుందన్నారు.

By July 19, 2019 at 08:52AM

Read More https://telugu.samayam.com/latest-news/state-news/nagarkurnool-wonder-hen-lays-150-eggs-in-fortnight/articleshow/70286862.cms